Darréu

De Uiquipedia
Saltar a: navegación, buscar

Darréu-mocedá nacionaliego ye una organización política asturiana de mocedá.

Definición[editar | editar la fonte]

Darréu defínese independentista d'izquierda revolucionaria y pretende ser la organización política referente del nacionalismu y l'independentismu asturianu d'izquierda na estaya la mocedá buscando la forma d'atopar el meyor camín na costrucción d'un proyeutu que lleve a Asturies a la reconocencia de los drechos nacionales y de los drechos sociales como Pueblu Trabayador.

Ye una organización horizontal y asamblearia na que puen participar toles moces y mozos que compartan los sos entamos mínimos fasta los 30 años.

Furrulamientu[editar | editar la fonte]

Darréu ta venceyada orgánicamente a la organización política Andecha Astur actuando como la so estaya de mocedá y contribuyendo asina a l'enanche d'esi movimientu políticu.

Pesia la so venceya orgánica a Andecha Astur caltién total independencia organizativa respeuto a ésta. Darréu tien los sos propios muérganos d'alderique, participación y decisión y tien la so propia ayalguería.

Organízase por Conceyos con autonomía política (coincidentes colos conceyos asturianos) qu'a la vez deciden asambleariamente la "política nacional" na Xunta Nacional,

Actividá[editar | editar la fonte]

Ente los actos propios de Darréu destaquen los conciertos conmemorativos de la revolución d'ochobre ("Asturies nun escaez") qu'en 2006 pasen a integrase nel Día de la Mocedá Revolucionario xornada de vindicaicón social de la mocedá onde amás del conciertu en 2006 destacó la manifestación baxo'l lema "Futuru n'Asturies".

Darréu participa dende la so fondación nes manifestaciones del Día de la Nación Asturiana d'Andecha Astur y na del Primeru Mayu qu'entamen los sindicatos Corriente Sindical d'Izquierda (CSI), SUATEA y CGT.

Publicaciones[editar | editar la fonte]

La organización xuvenil edita la revista Írguite integramente n'asturianu y con conteníos culturales y políticos.

Ver tamién[editar | editar la fonte]

Enllaces esternos[editar | editar la fonte]


Image-missing.svg Esti artículu necesita ilustrase con imáxenes.
Pues xubir imáxenes en Commons.
Si necesites ayuda pa facelo, pues contautar con otros usuarios nel Chigre.