Día del Neñu

De Wikipedia
Día del Neñu
Cambiar los datos en Wikidata
Artículu revisáu
Día del Neñu en Donetsk, Ucraína, 2011

El Día del Neñu ye una celebración añal dedicada a la fraternidá y a la comprensión de la infancia del mundu y destináu a actividaes pa la promoción del bienestar y de los derechos del neñu y les neñes, el día oficial ye'l 1 de xunu de cada añu según la Organización de les Naciones Xuníes.


Orixe de la celebración[editar | editar la fonte]

Tres la Primer Guerra Mundial y los horrores atestiguaos polos participantes, empecipió a xenerase una esmolición y concencia sobre la necesidá de proteición especial pa los neños. Una de les primeres activistes sobre esta tema foi Eglantyne Jebb, fundadora de la organización Save the Children, que con ayuda del Comité Internacional de la Cruz Roxa impulsó l'adopción de la primer Declaración de los Derechos de los Neños. Esta declaración foi sometida pa la so aprobación énte la Lliga de les Naciones , que adoptaría y ratificaría na Declaración de Xinebra sobre los Derechos de los Neños, el 26 de setiembre de 1924.[1] Al añu siguiente, mientres la Conferencia Mundial sobre'l Bienestar de los Neños, llevada a cabu tamién en Xinebra, declaróse, per primer vegada, el Día Internacional del Neñu, señalando pa tal efectu'l 1 de xunu.[2]

En 1954, l'Asamblea Xeneral de les Naciones Xuníes, per aciu el resolución 836 (IX) del 14 d'avientu, encamentó que s'instituyera en tolos países un Día Universal del Neñu y suxirió a los gobiernos que celebraren dichu día na fecha que cada unu d'ellos envalorara conveniente.[3]

L'Asamblea Xeneral, [...]

1. Encamienta que, a partir de 1956, s'instituya en tolos países un Día Universal del Neñu que se va consagrar a la fraternidá y a la comprensión ente los neños del mundu enteru y va destinase a actividaes propies pa promover los ideales y oxetivos de la Carta, según el bienestar de los neños del mundu, y tamién a intensificar y estender los esfuercios de les Naciones Xuníes a favor y en nome de tolos neños del mundu; [...].
Resolución 836 (IX) de l'Asamblea Xeneral de les Naciones Xuníes.[3]

La ONX celebra esti día'l 20 de payares, en conmemoración a l'aprobación de la Declaración de los Derechos del Neñu en 1959 y de la Convención sobre los Derechos del Neñu en 1989.[4]

Ver tamién[editar | editar la fonte]

Referencies[editar | editar la fonte]

  1. Humanium. «Geneva Declaration of the Rights of the Child, 1924» (inglés). Consultáu'l 30 d'abril de 2015.
  2. Government Information Centre of the Czech Republic (1 de xunu de 2010). «International Children's Day» (inglés). Consultáu'l 30 d'abril de 2015.
  3. 3,0 3,1 «Resolución 836 (IX), Día Universal del Neñu», en Resolvimientos aprobaos sobre la base de los informes de la Tercer Comisión. Organización de les Naciones Xuníes. Páxs. 23 y 24 (512ª sesión plenaria, 14/12/1954).
  4. Día Universal del Neñu, nel sitiu de la ONX

Enllaces esternos[editar | editar la fonte]

Ye obligatoriu indicar l'idioma de Wikisource.