Día Internacional Ensin Dietes

De Wikipedia
Día Internacional Ensin Dietes
Información xeneral
Tipu día internacional
Creación 1992
Día 6 de mayu
Cambiar los datos en Wikidata

El Día Internacional Ensin Dietes (n'inglés International Non Diet Day, o INDD orixinariamente) ye una celebración añal de l'aceptación del cuerpu humanu y de la diversidá de les sos formes. Tamién ta dedicáu a llamar l'atención y recordar los peligros de dellos rexímenes dietéticos esaxeraos.[1] El día "ensin dietes" celébrase'l 6 de mayu y el so símbolu ye una cinta de color azul claro, similar al que s'usa, en colloráu, nel día contra'l sida.

Orixe[editar | editar la fonte]

El conceutu surdió en 1992, cuando la feminista británica Mary Evans Young decidió lluchar contra la industria de productos dietéticos y sollertar al mundu sobre los peligros de l'anorexa nerviosa y otros desordes alimenticios.[2]

Pa ello, M. Evans Young llamó l'atención de los medios de comunicación locales col eslogan "La gorda devuelve'l mordigañu" (Fat Woman Bites Back).

Nuna entrevista pa la televisión, "alcordó" xunto a l'audiencia celebrar el "Día Internacional Ensin Dietes" el 6 de mayu.[2] Mary Evans escoyó esi día pola cercanía cola fecha de la entrevista namái.

Tres esa entrevista, grupos feministes del Reinu Xuníu celebraron el INDD, y según pasaron los años, otros grupos en distintos países empezaron a celebrar esti día tamién, ente ellos Estaos Xuníos, Canadá, Australia, Nueva Zelanda, India ya Israel.

Metes del Día Internacional Ensin Dietes[editar | editar la fonte]

  • Poner en dulda la idea d'una forma corporal "correuta" (canon de guapura)
  • Crear conciencia de la discriminación en razón del pesu y erradicar la gordofobia (Obesophobia)
  • Declarar un día llibre de dietes y obsesiones pol pesu corporal.
  • Resaltar fechos alrodiu de la industria de los productos d'endelgazamientu, llamando l'atención de la ineficacia de munches de les dietes comerciales (ensin consultar a un médicu).
  • Recordar a les víctimes de los desordes alimenticios y la ciruxía pa perder pesu: liposucción, abdominoplastia y ciruxía bariátrica (muertes o enfermes).

Ver tamién[editar | editar la fonte]

Referencies[editar | editar la fonte]

  1. Colin MacLean (5 de mayu de 2012). «Doing without diets». The Telegram. Consultáu'l 6 de mayu de 2012.
  2. 2,0 2,1 Camila González (mayu de 2012). «Día internacional ensin dietes». Lletra media. Consultáu'l 6 de mayu de 2012.

Enllaces esternos[editar | editar la fonte]