Cullebrina

De Uiquipedia
Saltar a: navegación, buscar
Doble cullebrina

La cullebrina yera una pieza d'artillería de los sieglos XVI y XVII carauterizada por tener un llargu tubu que algamaba a medir hasta 35 vegaes el so callibre. Usábase tanto pa tierra como pa artillar navíos y estremábase en varios tipos.

La cullebrina que va dende les 16 fasta les 24 llibres tamién yera un arma potente, sobro tou la de 24 llibres que siempre yera de llonxitú llexítima (más de 32 vegaes el so callibre).

  • Doble cullebrina: la mayor algamaba a disparar balas de 32 llibres de pesu. Esti tipu de cullebrina usabase pa destruir oxetivos a llarga distancia y derribaba sin dalu problema fortaleces y murias; yera un arma contundente y mui potente pero requería muncha pólvora pa cargala y alendefetu yera mui pesada, algamando incluso les 6 tonelaes.
  • Media cullebrina o versu: El so callibre yera de 9 a 12 llibres y la más usada debiu a que remanábase con más facilidá.
  • Terciu de cullebrina o sacre tenía un callibre de ente 6 y 8 llibres.
  • Cuartu de cullebrina o falconete comprendía los callibres de ente 2 y 5 llibres. Esta pieza pertenez a la artillería menor y normalmente colocábase sobro les muries y en especial nes bordes de los barcos sobro unes orquilles y nel estremu llevaben una barra allargada pa apuntar con una manu y con la otra dar fueu al oídu. A metanos del sieglu XVII la cullebrina sustituyose pol cañón debiu a que ésti requería menor consumu de pólvora al ser más curtiu y poro menos pesau, poro davezu yeren de gran callibre llegando a les 42 llibres nos cañones navales.