Cristina Branco

De Uiquipedia
Saltar a: navegación, buscar
Cristina Branco
nun conciertu en Xixón

Cristina Branco ñació n'Avientu de 1972 n'Almeirim, na rexón de Ribatejo (Portugal), y ye cantante.

Nun había ren qu'albidrare que Cristina diba dedicase a cantar fados; a la escontra, les estayes peles que se movía Cristina yeren les del Jazz, les del Blues o la Bossa Nova..

Pesie a tener una fondera almiración por Amália Rodrigues, dende que so güelu-y regalare nel día del so 18u cumpleaños un discu d'ella, too entamó'l día que nuna xinta ente collacios cantó fado per primera vegada. Nun se considera fadista.

De sópitu, Cristina descubrió tola emoción que'l xéneru caltenía, la so íntima rellación ente voz, poesía ya música. Adulces, la intérprete estudiante de Comunicación Social y con enfotu de facer carrera na estaya de Periodismu, entamó a desendolcar la so téunica vocal y a considerar seriamente la so nuea vocación.

Participando nel "Programa da Manhã" de la RTP ("Radio Televisión Portuguesa"), José Melo fíxase nella, ya invítala a cantar en Amsterdam, pal Círculu de Cultura Portuguesa d'Holanda, y pasa a ser el so mánager.

En 1997, asoléyase "Cristina Branco Live in Holland", grabáu en direutu en dos conciertos fechos al efeutu. Ficiéronse mil exemplares "que se vendieren al intre" llueu siguíos d'ediciones sucesives, hasta aportar a los 5000 discos vendíos. Esti foi el so entamu musical.

El discu "Murmúrios" foi editáu pola editora holandesa Music & Words. El discu axunta 14 temes dende fados tradicionales como "Abandono" (inmortalizáu por Amália, con testu de David Mourão-Ferreira) a versiones de Sérgio Godinho ("As certezas do meu mais brilhante amor") o José Afonso ("Pomba branca"). La mayoría de los temes tienen la firma de Maria Duarte, autora de los testos, y música de Custódio Castelo. En Francia recibió, en 1999, el Prix Choc de la revista "Le Monde de la Musique" al meyor CD de la música tradicional.

Dempués d'esti discu siguieron "Post-Scriptum", y "Cristina Branco Canta Slauerhoff" en 2000, faciendo al empar alrodiu de 130 espectáculos per tol mundu. El segundu discu foi una preba d'agradecimientu de Cristina Branco al país que-y abrió les puertes al ésitu, magar que nunca viviere n'Holanda.

Discografía[editar | editar la fonte]

  • 1-Cristina Branco in Holland (CD, Ed. Autor, 1997)
  • 2-Murmúrios (CD, Music & Words, 1998)
  • 3-Post-Scriptum (CD, L'Empreintdigitale/Harmonia Mundi, 1999) - reeditado en 2000 con un nueu tema
  • 4-Cristina Branco canta Slauerhoff (CD, 2000)
  • 5-Corpo Iluminado (CD, Universal, 2001)
  • O Descobridor (CD, Universal, 2002) - reedición de Slauerhoff
  • 6-Sensus (CD, Universal, 2003)
  • 7-Ulisses (CD, Universal, 2005)
  • 8-Live (CD, Universal, 2006)

Sete Pedaços de Vento[editar | editar la fonte]

Lletra de la canción del L.P. "Ulises"

Entrego ao vento os meus ais

Onde o desejo se mata

Sete desejos carnais

Que o meu desejo desata


Meus lábios, estrelas da tarde

Sete crescentes de lua

Que o desejo não me guarde

Na vontade de ser tua


Quero ser, eu sou assim

Sete pedaços de vento

Sete rosas num jardim

Num jardim que eu própria invento


Sete ares de nostalgia

Sete perfumes diversos

Nos cristais da fantasia

Amante de amores dispersos


Sete gritos por gritar

Sete silêncios viver

Sete luas por brilhar

E o céu pr'a me acontecer


Entrego ao vento os meus ais

Onde o desejo se mata

Sete desejos carnais

Que o meu desejo desata


Meus lábios, estrelas da tarde

Sete crescentes de lua

Que o desejo não me guarde

Na vontade de ser tua


Que o desejo não me guarde na vontade de ser tua

Que o desejo não me guarde na vontade de ser tua.

Enllaces esternos[editar | editar la fonte]