Cresques Abraham

De Uiquipedia
Saltar a: navegación, buscar
Cresques Abraham
Cresques Abraham
Fragmentu de l'Atles catalán atribuyíu a Cresques Abraham y Jafudà Cresques
Nacencia: 1325
Palma de Mallorca Flag of the Balearic Islands.svg
Fallecimientu: 1387 (62 años)
Palma de Mallorca Flag of the Balearic Islands.svg
Ocupación: Cartógrafu

Cresques Abraham (Mallorca, 1325 - 1387) foi un cartógrafu xudíu mallorquín del sieglu XIV. Padre del tamién cartógrafu Jehuda Cresques, dambes figures señeras de la Escuela Cartográfica Mallorquina.

Anque tradicionalmente interpretóse que «Cresques» yera l'apellíu familiar y que, poro, el nome yera Abraham Cresques, los estudios realizaos por Jaume Riera y Gabriel Llompart determinaron que nun se tuvo en cuenta la forma cola que tresmitíen los patronímicos na comunidá xudía, según la cual el primer nome del padre pasaba a ser el segundu del fíu. D'esta forma, Jehuda Cresques yera fíu de Cresques Abraham, ñetu d'Abraham Vidal y bisñetu de Vidal Cresques.[1]

Cresques Abraham, protexíu polos reis Pedro IV d'Aragón, Xuan I d'Aragón y Martín I d'Aragón, dexó una granible documentación sobre cartes náutiques feches por él y el so fíu, anguaño perdíes, anque se-y atribúin dellos mapes anónimos, como l'Atles catalán de 1375, siendo esta obra, guardada na Bibliothèque National de París, considerada como la pieza qu'algamó'l puntu más altu de la conocencia cartográfica medieval.

Obres[editar | editar la fonte]

Amás del Atles Catalán los investigadores tamién tienen suxerío qu'al menos cinco mapes más podíen ser obra suya, del so fíu o del so taller.

Igual que l'Atles, estos cinco mapes nun tán firmaos y nun tienen data, pero allúguense nel últimu cuartu del sieglu XIV. Masque les semeyances ente ellos son evidentes, esiste la posibilidá que fueren fechs por dellos talleres.

Referencies[editar | editar la fonte]

  1. Baig i Aleu, Marià (2001). «Un nuevo documento sobre Guillem Soler y la cuestión de la cartografía mallorquina». Llull (vol. 24). pp. 591-592

Bibliografía[editar | editar la fonte]

  • Campbell, T. (2011) "Anonymous works and the question of their attribution to individual chartmakers or to their supposed workshops", online
  • Pujades i Bataller, Ramon J. (2007) Les cartes portolanes: la representació medieval d'una mar solcada. Barcelona.