Corta de tueros

La corta de tueros como deporte ta mui estendida por munches zones del planeta onde hai tradición maderera y por supuestu ta lligada a l'actividá llaboral de los madereros.

Hai cientos de modalidaes. Equí reséñense les más practicaes n'Asturies:

Corta de tueros con hachu
Corta de tueros con tronzón armando castillete
Corta de tueros con tronzón y hachu armando castillete: Córtase en pareyes con un tronzón o sierra, que cada cortador cueye per un estremu. Son, básicamente, la mesma prueba, la segunda añade la variante de la corta con hachu. Nes dos hai que facer cuatro cortes col tronzón d'unos 20 - 25 cm de gruesu y, de caúna, sacar ocho astielles. Con estes 32 astielles, armaráse un castillete en pisos de dos astielles. Gana la prueba la pareya que primero fine'l so trabayu.
Corta de tueros en rodaxes: Per pareyes córtense diez rodaxes d'un tueru con un tronzón nel menor tiempu posible.
Pruebes combinaes: Nesta triba de pruebes suelen combinase tres deportes amestándolos de forma alterna, por exemplu corta de tueros con tronzón, carrera de llecheres y sacu, o corta, panoyes y sacu, etc.

Referencies[edit | edit source]

Enllaces esternos[edit | edit source]