Copa del Mundu de Rugbi 2011

De Wikipedia

La Copa del Mundu de Rugbi 2011 ye la sétima edición de la Copa del Mundu de Rugbi, una competición internacional cuatriañal qu'entamó en 1987. Ye la tercera fase final d'esti tornéu que se xuega n'Oceanía. La International Rugby Board (IRB) escoyó Nueva Zelanda como sede del tornéu por delantre d'El Xapón y Sudáfrica nel so conceyu del 17 de payares de 2005 en Dublín.

Esti tornéu va a ser el mayor eventu deportivu que tuviera llugar en Nueva Zelanda, penriba de la Copa del Mundu de Rugbi de 1987, de la Copa del Mundu de Cricket de 1992 y de la Copa del América de 2003. Los organizadores esperen 95.000 visitantes que viaxen al país pal eventu.

El calendariu de partíos espárdese per siete selmanes, entamando'l 9 de setiembre de 2011. La final va a xugase nel estadiu Eden Park d'Auckland el domingu 23 d'ochobre de 2011, fecha escoyía por ser esa una fin de selmana llarga (el llunes 24 d'ochobre ye'l Día del Trabayu en Nueva Zelanda).

Anque falóse de que'l númberu d'equipos participantes diba a reducise a 16, el 30 de payares de 2007 la IRB fizo anuncia de que'l tornéu de 2011 diba a cuntar con 20 equipos: doce clasificaos por ser los tres primeros de cada grupu de la Copa del Mundu de 2007 y los otros ocho d'alcuerdu con torneos rexonales. Como resultes, los participantes del tornéu de 2007 y 2011 estrémense solo nun equipu, de manera tala que Rusia sustituye a Portugal.

Candidatures[editar | editar la fonte]

Nueva Zelanda organizó n'andecha con Australia la primer Copa del Mundu de Rugbi en 1987, y diba facer lo mesmo cola de 2003 hasta que una falta d'alcuerdu dexó a Australia como l'únicu organizador. Les crítiques que dudaben de que Nueva Zelanda tuviera les infraestructures pa dá-y abeyugu a un tornéu d'esti tamañu ficieron que la candidatura incluyera planes p'agrandar Eden Park y otros estadios, aidando asina a que la candidatura fuera comercialmente vidable.

De les tres candidatures, El Xapón yera la que paecía cuntar con más posibilidaes de ganar, porque creyíase que yera'l deséu de la IRB llevar el tornéu fuera de los países con mayor tradición no tocante al rugbi como Nueva Zelanda o Sudáfrica. La candidatura d'El Xapón significaba celebrar el tornéu n'Asia por primer vegada y amás, los estadios del Mundial de fútbol de 2002 facíen que nun se necesitaren nueves infraestructures. Por embargu, El Xapón tevo qu'esperar hasta 2009, cuando se-y concedió la organización de la Copa del Mundu de Rugbi de 2019.

La candidatura sudafricana, encabezada pol antiguu capitán François Pienaar, tenía un sofitu bien fondu del so gobiernu. El país organizara con gran ésitu'l campeonatu de 1995, pero nel mundu de rugbi había l'enfotu de que la Copa del Mundu de Rugbi diba vese clisada pol Mundial de fútbol del 2010.

La candidatura de la New Zealand Rugby Union (d'aquella New Zealand Rugby Football Union) foi sofitada pol gobiernu neuzelandés, al traviés del so primer ministru, y polos xugadores d'anguaño, representaos pol capitán de los All Blacks. En resultando la candidatura elixida, la NZRFU espublizó la so deceición pol votu en contra de los representantes australianos. Los representantes sudafricanos anunciaron que, una vez que la so candidatura foi eliminada del procesu, dieron el so votu a Nueva Zelanda, n'agradecimientu pol sentimientu antiapartheid que'l so pueblu demostrara na visita del equipu de rugbi nacional nel añu 1981.

Depués d'una inspeición de la IRB a caún de los países candidatos, ente xunu y xunetu de 2005, la candidatura ganadora anuncióse nel conceyu que fizo'l Conseyu de la IRB en Dublín el 17 de payares de 2005.

Clasificación[editar | editar la fonte]

Venti equipos can competir na Copa del Mundu de 2011. Los doce que vienen darréu, clasificáronse por quedar ente los tres primeros de caún de los grupos de la Copa del Mundu de 2007:

Los otros ocho, clasificáronse nos torneos rexonales de clasificación:

Esta va ser la primer vez que Rusia participe nuna Copa del Mundu. El resto de países, yá participaron nel tornéu n'ediciones anteriores.

Balón oficial[editar | editar la fonte]

El balón oficial de la Copa del Mundo de 2011 será fabricado por Gilbert solo pal tornéu y va llamase «Virtuo». La so presentación oficial foi n'Auckland nel mes de mayu de 2011.

Ciudaes y estadios[editar | editar la fonte]

Escoyéronse trece estadios pa celebrar nellos los partíos. Siete fueron remocicaos pa la competición. L'Estadiu AMI de Christchurch foi declaráu non adecuáu nel mes de marzu, dempués del terremotu que sufrió Nueva Zelanda'l 22 de febreru de 2011.

Auckland Wellington Rotorua Whangarei
Eden Park
Capacidá prevista: 60 000
(estadiu remocicáu)
Westpac Stadium
Capacidá prevista: 40 000
Rotorua International Stadium
Capacidá prevista: 34 000
Okara Park
Capacidá prevista: 20 000
Hamilton Auckland Dunedin New Plymouth
Waikato Stadium
Capacidá prevista: 25 800
North Harbour Stadium
Capacidá prevista: 25 000
Otago Stadium
Capacidá prevista: 30 000
Yarrow Stadium
Capacidá prevista: 25 500
Nelson Invercargill Napier Palmerston North
Trafalgar Park
Capacidá prevista: 20 080
(estadiu remocicáu)
Rugby Park Stadium
Capacidá prevista: 17 000
McLean Park
Capacidá prevista: 18 700
Arena Manawatu
Capacidá prevista: 18 000

Fase de grupos[editar | editar la fonte]

Na primer fase o fase de grupos, participen los 20 equipos del tornéu, y divídense en cuatro grupos de cinco equipos caún. Nos grupos, cada equipu xuega un partíu escontra caún de los otros equipos del mesmu grupu. Caún de los equipos gana cuatro puntos por victoria, dos por empate y nengún por derrota. Amás, recibe un puntu más l'equipu que fai cuatro o más ensayos nun partíu y el que pierde por siete puntos o menos. Una vez xugaos tolos partíos de cada grupu, los dos primeros equipos de caún pasen a la fase d'eliminatories.

Clave de colores
Pasa a la fase d'eliminatories y clasifícase pa la Copa del Mundu de Rugbi 2015
Elimináu pero clasificáu pa la Copa del Mundu de Rugbi 2015
Elimináu

Pool A[editar | editar la fonte]

9 setiembre 2011  Nueva Zelanda 41 – 10  Tonga Eden Park, Auckland
10 setiembre 2011  Francia 47 – 21  Xapón North Harbour Stadium, Auckland
14 setiembre 2011  Tonga vs.  Canadá Northland Events Centre, Whangarei
16 setiembre 2011  Nueva Zelanda vs.  Xapón Waikato Stadium, Hamilton
18 setiembre 2011  Francia vs.  Canadá McLean Park, Napier
21 setiembre 2011  Tonga vs.  Xapón Northland Events Centre, Whangarei
24 setiembre 2011  Nueva Zelanda vs.  Francia Eden Park, Auckland
27 setiembre 2011  Canadá vs.  Xapón McLean Park, Napier
1 ochobre 2011  Francia vs.  Tonga Regional Stadium, Wellington
2 ochobre 2011  Nueva Zelanda vs.  Canadá Regional Stadium, Wellington

Pool B[editar | editar la fonte]

10 setiembre 2011 bandiera Escocia 34 – 24  Rumanía Rugby Park Stadium, Invercargill
10 setiembre 2011 Bandera d'Arxentina Arxentina 9 – 13 Bandera de Inglaterra Inglaterra Otago Stadium, Dunedin
14 setiembre 2011 bandiera Escocia vs.  Xeorxa Rugby Park Stadium, Invercargill
17 setiembre 2011 Bandera d'Arxentina Arxentina vs.  Rumanía Rugby Park Stadium, Invercargill
18 setiembre 2011 Bandera de Inglaterra Inglaterra vs.  Xeorxa Otago Stadium, Dunedin
24 setiembre 2011 Bandera de Inglaterra Inglaterra vs.  Rumanía Otago Stadium, Dunedin
25 setiembre 2011 Bandera d'Arxentina Arxentina vs. bandiera Escocia Regional Stadium, Wellington
28 setiembre 2011  Xeorxa vs.  Rumanía Arena Manawatu, Palmerston North
1 ochobre 2011 Bandera de Inglaterra Inglaterra vs. bandiera Escocia Eden Park, Auckland
2 ochobre 2011 Bandera d'Arxentina Arxentina vs.  Xeorxa Arena Manawatu, Palmerston North

Pool C[editar | editar la fonte]

11 setiembre 2011 Bandera de Australia Australia 32 – 6  Italia North Harbour Stadium, Auckland
11 setiembre 2011  Irlanda 22 – 10  Estaos Xuníos d'América Yarrow Stadium, New Plymouth
15 setiembre 2011  Rusia vs.  Estaos Xuníos d'América Yarrow Stadium, New Plymouth
17 setiembre 2011 Bandera de Australia Australia vs.  Irlanda Eden Park, Auckland
20 setiembre 2011  Italia vs.  Rusia Trafalgar Park, Nelson
23 setiembre 2011 Bandera de Australia Australia vs.  Estaos Xuníos d'América Regional Stadium, Wellington
25 setiembre 2011  Irlanda vs.  Rusia International Stadium, Rotorua
27 setiembre 2011  Italia vs.  Estaos Xuníos d'América Trafalgar Park, Nelson
1 ochobre 2011 Bandera de Australia Australia vs.  Rusia Trafalgar Park, Nelson
2 ochobre 2011  Irlanda vs.  Italia Otago Stadium, Dunedin

Pool D[editar | editar la fonte]

10 setiembre 2011 Bandera d'Islles Fixi Islles Fixi 49 – 25  Namibia International Stadium, Rotorua
11 setiembre 2011 Bandera de Sudáfrica Sudáfrica 17 – 16  Gales Regional Stadium, Wellington
14 setiembre 2011 Bandera de Samoa Samoa vs.  Namibia International Stadium, Rotorua
17 setiembre 2011 Bandera de Sudáfrica Sudáfrica vs. Bandera d'Islles Fixi Islles Fixi Regional Stadium, Wellington
18 setiembre 2011  Gales vs. Bandera de Samoa Samoa Waikato Stadium, Hamilton
22 setiembre 2011 Bandera de Sudáfrica Sudáfrica vs.  Namibia North Harbour Stadium, Auckland
25 setiembre 2011 Bandera d'Islles Fixi Islles Fixi vs. Bandera de Samoa Samoa Eden Park, Auckland
26 setiembre 2011  Gales vs.  Namibia Yarrow Stadium, New Plymouth
30 setiembre 2011 Bandera de Sudáfrica Sudáfrica vs. Bandera de Samoa Samoa North Harbour Stadium, Auckland
2 ochobre 2011  Gales vs. Bandera d'Islles Fixi Islles Fixi Waikato Stadium, Hamilton

Llistáu de televisiones[editar | editar la fonte]


Referencies[editar | editar la fonte]

Enllaces esternos[editar | editar la fonte]