Copa Mundial de Fútbol
La Copa Mundial de Fútbol de la FIFA (tamién nomada Copa'l Mundu o simplemente Mundial) ye un tornéu internacional de fútbol masculín por seleicciones nel que participen los miembros de la FIFA. El campeonatu organízase cada cuatru años dende 1930, menos en 1942 y 1946 pola Segunda Guerra Mundial. Anguaño'l campeón ye España, que ganó'l tornéu en 2010.
Nel formatu actual de la competición, 32 seleiciones participen nuna fase final que xuégase nel país o nos países que la FIFA decide y dura al rodiu d'un mes. Dende tres años antes, les seleiciones xueguen una fase de clasificación, de la que salen les que pasen a la fase final xunto al país o los países organizadores. La prósima fase final va ser en Brasil en 2014.
El Mundial ye l'eventu deportivu más vistu nel planeta. Calcúlase que 715,1 millones de persones vieron la final de la Copa'l Mundu d'Alemaña 2006.[1]
Tabla de conteníos |
[editar] Formatu
[editar] Fase de clasificación
Dende'l segundu Mundial en 1934, tienen llugar torneos de clasificación pa menguar el númberu de participantes na fase final. Estos torneos fáense nes seis zones continentales FIFA coles seleiciones que pertenecen a caúna de les confederaciones y a la propia FIFA.
- CAF - Confederación Africana de Fútbol / Confédération Africaine de Football.
- AFC - Confederación Asiática de Fútbol / Asian Football Confederation.
- CONCACAF - Confederación d'Asociaciones de Fútbol de Norteamérica, Centroamérica y Caribe / Confederation of North, Central American and Caribbean Association Football.
- CONMEBOL - Confederación Sudamericana de Fútbol.
- OFC - Confederación de Fúbol d'Oceanía - Oceania Football Confederation.
- UEFA - Unión d'Asociaciones Europées de Fútbol / Union des Associations Européennes de Football
Pa cada tornéu, y en función del potencial de les seleiciones de cada confederación, la FIFA decide'l númberu de places de caúna de les zones continentales anteriores.
El procesu de clasificación suel entamar tres años antes de la fase final y dura al rodiu de dos años. Los formatos de los torneos de clasificación son diferentes en cada confederación. Amás, normalmente hai una o dos places pa los ganadores d'unes eliminatories intercontinentales, que normalmente impliquen a seleiciones d'Asia, Centroamérica, Sudamérica y Oceanía. Dende'l Mundial de 1938, ta clasificada pa la fase final la seleición del país que la organiza (o les seleiciones de los países que la organicen, en casu de ser más d'ún). Ente 1938 y 2002, el campeón del anterior Mundial tamién taba clasificáu.
[editar] Fase final
Anguaño, la fase final xuéguenla 32 seleiciones, dura al rodiu d'un mes y tien llugar n'ún o varios países escoyíos pola FIFA. Esta fase final pue dividise en dos partes: la fase de grupos y la fase d'eliminatories.
Na fase de grupos, les seleiciones compiten n'ocho grupos de cuatro equipos caún. El sortéu de los grupos fáese de forma dirixida, dividiendo primero a los participantes según xeografía, el so puestu na clasificación de la FIFA, la so historia nos últimos Mundiales,... Asina, dende'l Mundial de 1998 caún de los grupos nun pue tener más de dos equipos europeos o más d'una seleición del restu de les confederaciones, daqué que nun pasaba primero, cuando había menos seleiciones participantes na fase final.
En caún de los grupos les seleiciones xueguen tres partíos, ún contra caúna de les otres seleiciones del mesmu grupu. Dende'l Mundial de 1986, na cabera xornada de cada grupu xuéguense tolos partíos el mesmu día y a la mesma hora, p'afitar la llimpieza del tornéu y evitar que les seleiciones sepan qué resultaos-yos convienen pa pasar de ronda.
La clasificación de cada grupu fáese según los puntos ganaos por cada seleición: tres puntos por cada partíu ganáu, un puntu por cada partíu empatáu y nengún puntu por cada partíu perdíu (antes del Mundial de 1994 les victories valíen na más que dos puntos). En casu d'empate a puntos, les seleiciones ordénense según:
- Mayor diferencia ente los goles marcaos y los goles recibíos.
- Mayor númberu de goles marcaos.
- Mayor númberu de puntos ganaos nos partíos ente los equipos empataos.
- Mayor diferencia ente los goles marcaos y los goles recibíos nos partíos ente los equipos empataos.
- Mayor númberu de goles marcaos nos partíos ente los equipos empataos.
- Rifa.
Na fase d'eliminatories, dos seleiciones xueguen ente elles un solu partíu, pasando a la siguiente ronda la que lu gane. En casu d'empate, xuégase una prórroga y en casu de caltenese l'empate cuando fine, tírense penaltis. Na primer de les eliminatories, el ganador d'un grupu enfréntase col segundu clasificái d'otru de los grupos.
[editar] Campeonatos
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
[editar] Referencias
[editar] Enlaces externos
- Copa Mundial de Fútbol
- Uiquipedia:Artículos destacaos en wikipedia en
- Uiquipedia:Artículos destacaos en wikipedia eo
- Uiquipedia:Artículos destacaos en wikipedia id
- Uiquipedia:Artículos destacaos en wikipedia ms
- Uiquipedia:Artículos destacaos en wikipedia pt
- Uiquipedia:Artículos destacaos en wikipedia ko
- Uiquipedia:Artículos destacaos en wikipedia lv
- Uiquipedia:Artículos destacaos en wikipedia zh
