Condottiere

De Uiquipedia
Saltar a: navegación, buscar
Estatua ecuestre en Padua del condotieru Erasmo de Narni, conocíu como Gattamelata (escultura de Donatello)


Los condottieri (en singular condottiero) yeren capitanes de tropes mercenaries al serviciu de les ciudaes-estáu italianes dende finales de la Edá Media hasta mediaos del sieglu XVI. La palabra condottiere vien de condotta, que designaba'l contratu ente'l capitán de los mercenarios y el gobiernu que se valía de los sos servicios.

Los condottieri consideraben la guerra como un arte. Buscaben riqueza, fama y tierres pa sí, y nun taben lligaos por llazos patrióticos a la causa que defendíen. Yeren famosos pola falta d'escrúpulos, y podíen cambiar de bandu , hasta en mediu de la batalla si alcontraben quien -yos pagare más.

Los primeros condottieri foron mercenarios estranxeros, principalmente alemanes, pero nel sieglu XV yeren casi toos italianos. Esti sieglu ta consideráu como la so edá d'oro, con figures como Angelo Tartaglia, Gattamelata o Bartolomeo Colleoni. sicasí, al entamu'l sieglu XVI nun foron quien a facer frente, coles sos táctiques anticuaes, a los exércitos modernos qu'invadieron Italia. Los condottieri acabaron desapaeciendo hacia 1550.


Condottieri famosos[editar | editar la fonte]

Enlaces externos[editar | editar la fonte]