Comunes de Suiza

Mapa de Suiza amosando les llendes de les Comunes (2012).

Les Comunes (Conceyos) (n'alemán Gemeinden; en francés Communes; n'italianu Comuni y en romanche Vischnancas) son la entidá territorial básica y de menor nivel na división político-territorial de Suiza. Pa xineru de 2006, en Suiza esisten 2.740 comunes. Magar dalgunes cunten con namái dellos cientos d'habitantes, les ciudaes más grandes como Xinebra o Zúrich tamién tienen estatus llegal de comuna.

Les responsabilidaes de cada comuna (como educación, serviciu médicu, asistencia social, tresporte públicu y recaldación d'impuestos) son definíes pol gobiernu cantonal y varíen d'un cantón a otru. De manera xeneral, el gobiernu comunal ta encabezáu por un Alcalde como xefe del executivu, cola cooperación d'un Conceyu abiertu, que s'encarga de les xeres llexislatives, anque pa estes funciones, les comunes con mayor cantidá d'habitantes tienen la opción d'escoyer un Conceyu municipal.

En dellos cantones, déxase la participación política comunal a los estranxeros que tengan ciertu tiempu residenciados en Suiza. La ciudadanía suiza ta basada na ciudadanía comunal. Cada suizu ye ciudadanu d'una o delles comunes (por casu, la del so llugar d'orixe, Heimatort n'alemán o Lieu d'anicie en francés).

La economía de cada comuna ta financiada por impuestos direutos (talos como l'impuestu sobre la renta), que les sos tases fluctúen nuna banda fita pol gobiernu del cantón.

Delles comunes confronten dificultaes pa contratar los servicios que se riquir pa cumplir coles responsabilidaes riquíes pola comunidá. Como parte del esfuerciu p'amenorgar gastos, les comunes pueden combinase pa crear entidaes especiales, como por casu distritos especiales. La creación de diches figures son fomentaes xeneralmente polos gobiernos cantonales y el so númberu amóntase a midida que la economía vuélvese más complexa.

Les Ciudaes (Städte o Villes) son comunes que tienen más de 10.000 habitantes, o bien poblaciones más pequeñes que recibieron derechos medievales pa recibir el nome de "ciudá". Nun esiste una denominación específica pa comunes más pequeñes (como por casu, "pueblos").

Distribución cantonal de les comunes

El númberu de comunes que pue tener un cantón ye pervariable y nun depende de la superficie nin del númberu d'habitantes. Pa xineru de 2009, la cantidá de comunes por cantón ye la siguiente:

Cantón	Númberu de comunes (2009)	Númberu de comunes (2006)
Zúrich	171	171
Berna	392	398
Lucerna	88	97
Uri	20	20
Schwyz	30	30
Obwalden	7	7
Nidwalden	11	11
Glaris	25	27
Zug	11	11
Friburgo	168	168
Soleura	125	125
Basilea-Ciudá	3	3
Basilea-Campiña	86	86
Schaffhausen	27	32
Appenzell Rodas Esteriores	20	20
Appenzell Rodas Interiores	6	6
San Galo	86	89
Grisones	200	207
Argovia	229	229
Turgovia	80	80
Tesino	181	199
Vaud	375	381
Valais	143	153
Neuchâtel	53	62
Xinebra	45	45
Jura	64	83
Total	2.636	2.740

Distribución porcentual de Comunes por cantidá d'habitantes

Población por comuna	Cantidá de comunes (2006)	%
más de 20.000	30	1,1
10.000 - 19.999	89	3,2
5.000 - 9.999	180	6,6
1.000 - 4.999	1.025	37,4
500 - 999	555	20,3
menos de 500	861	31,4

Comunes estremes

Les más poblaes

Comuna	Cantón	Habitantes (2009)	Habitantes (2006)
Zúrich	Zúrich	365.132	363.273
Xinebra	Xinebra	183.287	177.964
Basilea	Basilea-Ciudá	164.937	166.558

Les menos poblaes

Comuna	Cantón	Habitantes (2009)	Habitantes (2006)
Corippo	Tesino	18	22
Martisberg	Valais	20	27
Portein	Grisones	23	26

Les más estenses

Comuna	Cantón	Superficie (km²) (2009)	Superficie (km²) (2006)
Davos1	Grisones	283,98	254,41
Bagnes	Valais	282,26	282,26
Anniviers2	Valais	242,95
Zermatt	Valais	242,69	242,69

• ¹Fusión de la comuna de Davos cola de Wiesen.
• ²Comuna creada de la fusión de les antigües comunes d'Ayer (Valais), Chandolin, Grimentz, Sain-Jean, Saint-Luc y Vissoie.

Les menos estenses

Comuna	Cantón	Superficie (km²) (2009)
Rivaz	Vaud	0,31
Kaiserstuhl	Argovia	0,32
Gottlieben	Turgovia	0,33
Meyriez	Friburgo	0,34

Ver tamién

• Cantones de Suiza
• Comuna
• Llocalidaes de Suiza A

Enllaces esternos

• Wikimedia Commons acueye conteníu multimedia sobro Comunes de Suiza.
• Amtliches Gemeindeverzeichnis der Schweiz/Liste officielle des communes de la Suisse/Elenco ufficiale dei Comuni della Svizzera, 2006. Neuchâtel, 2006. ISBN 3-303-00334-3.