Colonización Europea d'América

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Wikipedia:Llista d'artículos que toa Wikipedia tien que tener
Mapa políticu d'América en 1794.

La Colonización europea d'América entamó a finales del sieglu XV dempués de que Cristóbal Colón, aportara en 1492 col sofitu de la Corona de Castiella. A partir d'ehí, l'Imperiu español, l'Imperiu portugués, y dende empiezos del sieglu XVII'l Imperiu Británicu (1607), Francia (1608) y los Países Baxos (1625), conquistaron y colonizaron una gran parte del territoriu americanu, somorguiando a los sos pobladores nativos.

L'Imperiu español y l'Imperiu portugués foron los primeros en facer la conquista, y asitiáronse principalmente nel sur de Norteamérica, sur de michi, Centroamérica y na área andina de Suramérica (imperios Azteca y Inca, respectivamente). España foi la potencia que mayor presencia colonial impunxo n'América. Nel Caribe, dominó sobremanera Cuba, La Española, Puerto Rico, Xamaica, incluyendo a la península de Florida dientro de les sos posesiones caribeñes. Dende los asentamientos antillanos, tomó posesión pola fuercia de los grandes estaos esistentes n'América nesi momentu: n'América del Norte llegó a apoderase del Imperiu azteca, nel actual México, estableciéndose nes sos ciudaes, arriendes de dominar a tlaxcalteques, tarascos, mixteques y zapoteques.

A partir d'ehí remanó una gran parte d'América Central, dominando a les poblaciones de llingua maya, a los pipiles, los niquiranos y los pueblos de fala ngäbe de Veragua, (Panamá). Dende Panamá entamó la conquista de la zona andina de América del Sur hasta la zona central de l'actual Chile. Coles mesmes, en busca de la Sierra de la Plata y les tierres del Rei Blanco, fundáronse ciudaes nel estuariu de la Plata y sobre les marxes de los ríos Paraná y Paraguay, siendo la más importante d'elles; Asunción.

Portugal apropióse de la mayor parte de la franxa costera atlántica de partir norte d'América del Sur, que más sero aniciaría l'Estáu de Brasil. Inglaterra afitó trece colonies na franxa costera atlántica norteamericana, arriendes d'en delles islles caribeñes. Francia ocupó l'actual Guayana Francesa en Suramérica (entá sol so dominiu), Louisiana nel Golfu de México, delles isles del Caribe, y la rexón canadiense de Quebec. Holanda afitó colonies en Norteamérica (Nueva Amsterdam que denpués sedría Nueva York), norte d'América del Sur (Guyana holandesa güei Surinam) y dellos asentamientos n'islles caribeñes (Antilles Neerlandeses y Aruba).