Colonia (Uruguái)

Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos. (ver la llista completa d'artículos pa correxir)

Pa otros usos d'esti términu, ver Colonia. 

---

Colonia ye un departamentu uruguayu allugáu nel suroeste del país, sobre'l llitoral au desagüen los ríos Paraná y Uruguái. Llenda'l norte con Soriano, al noreste con Flores, al este con San José, y al sur y al oeste cola capital d'Arxentina, Buenos Aires, de la que lo separta l'estuariu del Ríu de la Plata.

La so superficie ye de 6.106 qum², y tien una población estimada de 119.266 habitantes según el censu de 2004, lo que lu convierte nuna de les estayes más poblaes del Uruguái.

La capital departamental ye la ciudá de Colonia del Sacramento, asitiada a 177 km de Montevideo.

Aspeutos históricos

Etimoloxía

El nome de "Colonia" remanez de Colonia del Sacramento, ciudá que dio orixe a la denominación d'anguaño pola que se conoz a esti departamentu. Ésta, al empar, fai referencia a la multitú d'Emperios que sobre ella exercieron el so poder en tiempos coloniales, esto ye, cuando formaba parte de la Banda Oriental. La metrópoli foi colonia de blagu y centru d'importantes enterrios armaos que pretendríen facese con ella, violando dafechu importantes trataos diplomáticos.

La dómina colonial

Cascu históricu de Colonia del Sacramento

Colonia del Sacramento, güei considerada Patrimoniu de la Humanidá, fundárase en 1680 poles algares portugueses qu'asentárense sobre les cuestes rioplatenses. Pa entóncenes, los reinos d'España y Portugal alcontrábense nuna costante ya insaciable guerra, yá que dambos países procuraben enantar el so poderíu pasando penriba alcuerdos billaterales.

En resultes, tanto la ciudá propiamente dicha como'l departamentu foron dende los sos entamos, testigos del enfrentamientu bélicu a nivel xeopolíticu más relevante del Ríu de la Plata.

L'allugamientu tomárase en delles ocasiones polos españoles, pasando de mano a mano hasta cayer otra vuelta baxo dominiu lusitanu y d'ésti al brasileñu. Pondríase fin a la dixuntiva al proclamase la Declaración d'Independencia de la que fora n'esi intre la Provincia Cisplatina, que pasaría a ser conocida como la República Oriental del Uruguái, alló per agostu de 1825.

Estos asocedíos fexeron de la capital coloniense, un mecigayu d'estilos arquiteutónicos, edificaciones al estilu colonial típicamente portugués qu'incluyíen cases de piedra macizo con teyaos de dos a cuatro agües, nun doyuru contraste con aquelles viviendes de porte español qu'anteferíen l'emplegu d'otros materiales y téuniques de costruición como'l lladriyu y los atubios d'azotea.

Colonia del Sacramento emplazóse sobre la península de San Gabriel, y el so cascu antiguu comprende namái 12 hectaries del so postreru occidental, y anguaño furrula como un "Parque Históricu Nacional" nel que s'ufren visites guiaes percorriendo museos, fortificaciones y viviendes primitives.

El planu de la ciudá ye tamién de calter portugués, y contrasta col estándar que llexislaba na llei española sobre les Indies, peculiarizándose asinamesmo poles sos caleyes de piedra, que resalten la so tradición militar.

Xeografía

Mapa xeográficu de Colonia

Muelle de Colonia del Sacramento

Colonia forma parte de la nomada "llanera platense", carauterizada poles sos tierres baxes, la campa territorial y les eríes pampianes bañaes de ríos y regatos que desemboquen nel Ríu de la Plata y los sos afluentes.

Orografía

El suelu coloniense compónse de xerrascos que dan llugar a mares de piedra, como ye'l casu de la Sierra del Mal Abrigo. El restu del departamentu costitúise de llimos, arenes y xacimientos de magries. La cuchiella de San Salvador na llende con Soriano ye la más importante en cuantes a relieve d'altor.

Hidrografía

Dispón d'un reducíu magar que nun menos emportante caudal de rigos y arruyos que desemboquen,na so mayoría, nel Río de la Plata. Éstos son: los rigos Rosario y San Juan, y los arruyos de las Vacas, las Víboras, Cufré y Miguelete.

Clima

El clima ye abeyosu y atemperiáu, con unes temperatures anuales que s'averen a los 17 y 18 ^uC, y un índiz de precipitaciones qu'abúltense en tornu a 1.000 mm de promediu anual. Esti favoratible allugamientu, xunto a la composición natural de los sos suelos, abre blagu a l'emplegu de les eríes graminies con destín a la industria ganadera ovina y bovina.

Flora y fauna

La vexetación ye meramente pampiana: pastures verdes y xugoses, arbustos, árboles de medianu altor (ocalitu, algarrobu, ficus, desmayos, ombú, pinu, etc). La fauna compónese de ganáu (vacún, ovín, caballar, porcín), aves de corral, teros, colibríes, venteveos, cotorres de campu, rapiegos, llebres, coneyos y ratos xabaces(coxitáu como comezón).

So'l llitoral rioplatense adíquense desemeyaes tribes de pexes, y la famosa tolina del Plata.

Comunicaciones

Allugao contra la cuesta la capital arxentina, Colonia presenta un allugamientu xeográficu privilexáu, y de la que munchos naguaren aprovehase a lo llargo la hestoria. A malpenes de 60 qum del centru bonaerense, ye una opción acoyedora pa la inmensa mayoría de quienes residen na vecina rixa. De cutio, ye aparao de blagu y recibe el mayor valumbu de turistes demientres el fin de selmana o en selmana santa. El mediu de tresporte emplegao por escelencia ye'l buquebus, un barcu que zarpa dende'l Puertu de Buenos Aires y recuerre bona parti'l rigu de la Plata fasta anclar en Colonia del Sacramento o, con menos intensidá, nel Puertu de Montevideo, en cuyu casu tamién treviesa augües colonienses. D'esta miente, quienes previenen d'otres estayes del país suelen embarcar en Colonia con destín a l'Arxentina, siguiendo el mesmu trayeutu y arribando en plena capital federal, nun tramu que varía dende una hora a tres hores de viaxe (tiempu estimao en cruciar l'estuariu del Plata de llau a llau, y dependiendo de les condiciones climátiques).

Otres rutes d'accesu (per vía terrestre) son: la nacional n^u 1 (tamién conocida como Brigadier Manuel Oribe), que ñaz en Montevideo en sen oeste y comprende al departamentu de San José; la n^u 2 (o del Grito de Asencio) que sal de Fray Bentos y muerre en Rosario; o la n^u 11 (José Batlle y Ordoñez) que procede dende Canelones y entesecta cola n^u 1 na llocalidá maragata d'Ecilda Paullier, a unos pocos quilómetros enantes d'aportar a Nueva Helvecia.

Finalmente, la capital departamental dispón d'un pequeñu iropuertu nacional y rexional que suelen emplegar les compañíes privaes d'esnalu.

La llinia ferria que dende San José aportaba a Montevideo alcuéntrase trancada dende 1991, magar qu'hai proyeutos pa la so reapertura. La llinia qu'arba'll departamentu en sen a Mercedes, piesllada en 1996, safáyase en cursu de reapertura.

Nos caberos años esplanetóse ente dambos gobiernos, l'arxentinu y l'uruguayu, pola costruición d'una ponte entenacional que crucie'l rigu de la Plata d'un llau al otru, siendo la más llarga'l mundiu. Sicasí, y pese a los intentos por concretar el proyeutu, nun recaudárase los abondos fondos pa dar entamu a les obres.

Economía

Estancia Anchorena, Colonia

El departamentu ye'l primer a nivel nacional en cuantes a la produción de llácteos. Espórtense tolos sos derivaos, ya seya quesu (en distintes variedaes), mantega, yogur, dulce de lliechi y crema doble (o ñata), ente otros. Por esta mor munches empreses multinacionales decidieren instalar les sos sucursales y españar la materia primero de la rexón. L'apicultura ye una tradición dende qu'aportara un escomanáu fueru d'inmigrantes europeos remanantes d'Italia y Suiza, prencipalmente. Ciodaes como Nueva Helvecia, cuyos habitantes son en gran midida descendientes de suizos, posee quiciabes la produción de miel más grande'l país. N'illa y n'otres estayes de Colonia ye común alcontrar granxes artesanales n'au los turistes y los llariegos son bienvenios a tastiar les mermelaes, el dulce de llieche caseru, el quesu colonia y un enancháu turdeburde de vinos de bodega. Amás, créyense ganáu ovín, vacún y porcín.

L'agricultura comprende la llantación y coyecha de maíz, xirasol, llinu, orgu, vide, frutos, aceitunes y dellos ballicos. Tamién hai canteres de talcu, piedra caliar y piedres pa la costruición. La prencipal actividá portuaria concéntrase en Juan Lacaze, Colonia del Sacramento, Nueva Palmira y Carmelo. La estración de piedres, les plantes industriales produtores de papel, fibres sintétiques y texíos, asina como los molinos de refinamientu de farina, l'astilleru y los artículos d'aluminiu, suponen otru emportante ingresu de capital.

Cultura

Pastes caseres con salmón y tomate.

Xunto a Canelones y Montevideo, Colonia ye'l tercer departamentu con mayor índiz de población d'orixen italu-helvéticu. Sicasí, a diferencia de los primeros, la cantidá de población ye abondo inferior y afáyense dispersos en dellos emplaciamientos urbanos de menor considerancia. Polo tantu, esto favoreciera la evolución de pequeñes comunidaes desarreyaes del estilu vida y de les costumes d'otros requexos del Uruguay. Coye esclariar que nun son pueblos despescaos nin secesioniegos ensinon que, pola contra, adaptárense al entornu uruguayu y a les sos costumes ensin perder les suyes. Esti asocedimientu tien llugar a caberos del sieglu XIX y a entamos del XX, cuando l'allugamientu económicu d'Europa yerazarapiquera y numberoses families guetaben un meyor porvenir n'América. Colonia, dada la so condición de puertu, acoyera a una considerable masa d'inmigrantes d'oríxenes varios, entellos, de Suiza, Italia, Polonia, España, y de Francia y Alemaña en menor midida. Col pasu'l tiempu faríase notar la enfluencia estranxera so la llariega, fundándose nuevos pueblos y quintanes rurales y faciendo cuenta a nuevos vezos. Manque la so llingua materna perdiérase colos años en detrimientu del castellán, el llegáu que dexaran ye invaluable, al postreru de que ye imposible falar de Colonia ensin facer referimientu a los sos quesos suizos (semiduru, el típicu "colonia", artesanal, rocquefor, etc), a les sos pizzes, a les sos mermelaes caseres, a la so gastronomía a bas de pescáu, salses italianes (como la carusso), pastes (añolotis, ñoquis, sorrentinos), y a la so viticultura.

Al igual que nel restu'l país, el 29 de ca mes estableciérase como'l "día del ñoqui", un momentu afayadizu nel que s'aconceya tola familia xunto a una mesa p'almorzar y/o cenar esa pasta fecha a bas de pataca. Acompángase con desemeyaos tipos de salsa y colócase una moneda embaxo'l platu de ca ún de los presentes pa dar bona suerte y bientar económicu.

Les ciodaes que fundárense polos inmigrantes son: Nueva Helvecia (enantes nomada Colonia Suiza), Colonia Valdense, y Colonia Piamontesa (creada por ciodadanos llariegos de Piamonte, rexón del norte d'Italia).

Gobiernu

D'atroxu col artículu 262 de la Costitución de la República, en materia d'alministración departamental "el Gobiernu y Alministración de los Departamentos, con esceición de los servicios de seguridá pública, sedrán exercíos por una Xunta Departamental y un Intendente. Tedrán la so sede na capital de ca departamentu y aniciarán les sos funciones sesenta díes dempués de la so eleición." Amás, "l'Intendente, con alcuerdu de la Xunta Departamental, podrá delegar nes autoridaes llariegues l'exerciciu de determinaos cometíos nes sos respectives circuscripciones territoriales"(...).

Demografía

Conforme al censu de 2004, había un total de 119.266 presones y 40.243 viviendes nel departamentu. El fogar promediu yera d'un 3,2, y ca 100 muyeres había 96,7 homes. Asinamesmo, sigún estimaciones rializaes pol Istitutu Nacional d'Estadística (INE) del Uruguay, Colonia, al igual que'l restu'l país, esperimenta una medría nula y cuasi negativa, polo que les cifres suponen que pa entamos de 2025, habrán 120.196 presones nel so territoriu.

• Tasa de medría poblacional: 0,448% (2004)
• Tasa de natalidá: 15,05 nacencies/1.000 habitantes (2004)
• Tasa de mortalidá: 9,97 bajas/1.000 habitantes
• Edá promediu: 33,5 (32,5 homes, 34,6 muyeres)
• Esperancia de vida al ñacer (2004):

Xeneral:	76,54 años
homes:	72,68 años
muyeres:	80,61 años

• Promediu de fíos por familia: 2,19 fíos/muyer
• Ingresu urbán per cápita (en ciodaes de 5.000 o más habitantes): 4.385,6 pesos uruguayos/mes

Medría de la población (n'habitantes):

• 1852: 7.971
• 1860: 13.349
• 1908: 54.644
• 1963: 105.276
• 1975: 111.832
• 1985: 112.717
• 1996: 120.241
• 2004: 119.266

Prencipales llocalidaes del departamentu

Colonia del Sacramento (Uruguái)

Colonia del Sacramento ye'l puertu activu más emportante del departamentu, y ún de los más enfluyentes nel estuariu 'l Plata. Otres llocalidaes que-y secunden son: Juan Lacaze (puertu industrial), Carmelo (posee astilleros so'l arruyu de Las Vacas) , Nueva Helvecia o Colonia Suiza, Rosario, Nueva Palmira y Colonia Valdense.

De secuti úfrese una esbilla d'aquilles ciodaes o pueblos cuna población soperior a los 1.000 habitantes sigún el censu de 2004, a menos que s'especifique otra data:

Ciodá/Pueblu	Población
Carmelo	16.628
Colonia del Sacramento	21.744
Colonia Valdense	2.876 (1996)
Florencio Sánchez	3.038 (1996)
Juan Lacaze	13.015
Nueva Helvecia	9.607
Nueva Palmira	8.410
Ombúes de Lavalle	3.189 (1996)
Rosario	9.403
Tarariras	6.174 (1996)
Conchillas	756

Otros poblados

• Barker: suresti, so la n^u 54, prósimu a Rosario.
• Campana: emplaciáu so la ruta n^u 55, alcuéntrase a unos quilómteros al sur d'Ombúes de Lavalle.
• Cerro de las Armas: centru-norte, a pocos quilómetros de Miguelete.
• Conchillas: fundóse a fines del sieglu XIX pola empresa inglesa Walker & Co. col envís d¡estraer arena y granitu pa la costruición del puertu de Buenos Aires. La zona vivió un auxe al abrise en 1911 la Casa Evans, d'esportación ya importación, que tevo zona franca y barcu: La flor del Uruguái. Pero tres la crisis del emperiu británicu, toó foi vendío en 1951 a estancieros uruguayos, quienes vendieron al empar les viviendes a los sos arrendatarios y estos siguen siendo mayoría ente los 700 habitantes del pobláu d'aguaño (2007).
• Cufré: allugáu al este'l departamentu, so la ruta n^u 51.
• El Cerro: allúgase al oesti Colonia, prósimu a Carmelo.
• El Cuadro: centro-oeste, sobre la ruta n^u 106 con destino a Miguelete y Soriano.
• El General: continuación de Colonia del Sacramento.
• Florencio Sánchez: noreste de Colonia, na llende con Soriano. Accédese a elli pela ruta n^u 12.
• Isla Sola: contra les cuestes de Carmelo, ente les llendes d'Arxentina y Uruguái.
• La Estanzuela - Artilleros: so la ruta n^u 50, al norte de Riachuelo y Colonia del Sacramento.
• La Paz (CP): sureste de Colonia, so la ruta n^u 52, prósimu a Rosario y Colonia Valdense. (CP) = Colonia Piamontesa.
• Los Pinos, so la cuesta del Río de la Plata, a 10 qum de Colonia Valdense.
• Manantiales: zona central, en el desvío de la ruta n^u 54.
• Martín Chico: llitoral ocidental, contra les islles d'Martín García y Timoteo Domínguez.
• Miguelete: norte departamental, so la ruta n^u 106.
• Minas de Narancio: oeste coloniense, so la ruta n^u 22, xunto al bustiellu de San Juan.
• Ombúes de Lavalle: emportante centru urbán allugao so'l marxen setentrional, so la ruta n^u 55 con destín a Soriano.
• Riachuelo: sur de Colonia, so la n^u 50 y Punta Angostura. A unos qum. respeutu a la capital.
• San Gabriel: pequeña islla asitiada s'l margen de la península del mesmo nome, contra la cuesta de Colonia del Sacramento.
• San Luis: zona central, nel desvíu de la ruta n^u 54, allugao so la pista de trenes y a unos cuantos metros de la so vecina Manantiales.
• Terminal: centro-este, xunto a la n^u 54.
• Santa Ana, Artilleros, Punta Artilleros, Britópolis, Fomento, Santa Regina y Brisas del Plata.

Referencies

Enllaces esternos

Wikimedia Commons tien archivos rellacionaos con:

Colonia

• Colonia en la Enciclopedia Xeográfica del Uruguái
• Breve reseñu xeográficu'l departamentu Colonia na Rede Uruguaya-Inclúi mapes illustraos
• Intendencia Municipal de Colonia
• Guía de Colonia: turismu y empresariales
• Páxina Turística de la Ciodá de Carmelo