Colmar

De Uiquipedia
Saltar a: navegación, buscar
Escudu de Colmar
Colmar, barriu de la Petite Venise

Colmar en idioma francés y oficialmente, Kolmar n'idioma alemán, ye una ciudá y comuna nel departamentu d'Alsacia de l'Altu Rin, Francia.

Ye la capital del departamentu, y sé tamién del tribunal más principal d'Alsacia, la Corte d'Apelación. La so población en 2006 (INSEE) yera de 65.713 habitantes, con 120.367 na so área metropolitana y 144.700 nel so distritu.

La ciudá ye'l llugar de nacencia del pintor y grabador Martin Schongauer, y tamién del escultor Frédéric Bartholdi, que diseñó la Estatua la Llibertá. Amás de por eso, la ciudá ye renomada pol so cascu históricu, perbién conserváu, y pola so gran bayura n'edificios singulares y museos, ente los que rescampla l'Unterlinden Museum. Y tamién porque considérase a sí mesma como la capital de los vinos d'Alsacia.

Historia[editar | editar la fonte]

Colmar foi fundada nel sieglu IX, una y bones foi equí onde l'emperador carolinxu Carlos III el Gordu aconceyó una asamblea nel 884. Sieglos dempués, en 1226, la ciudá algamó la condición de ciudá imperial llibre dientru del Sacru Imperiu Romanu. En 1575 la ciudá adoptó la Reforma protestante, y demientres la guerra los trenta años foi conquistada pol exércitu suecu, que la caltuvo nel so poder demientres dos años (1632-34). La ciudá pasó per primer vegada a manos francesas en 1673, cuando la conquistara Lluis XIV.

En 1679, poles cláusules de los Trataos de Nimega, la ciudá pasó llegalmente a manes de los franceses. Sicasí, entró a formar parte del renováu Imperiu alemán en 1871, dempués de la guerra franco-prusiana. Al acabar la Primer Guerra Mundial volvió a ser francesa, magar que los nazis volvieron a convertila nuna ciudá alemana. Dende 1945 pertenez otra vuelta al Estáu francés, y ta gobernada dende 1947 por partíos de calter conservador.



Enllaz esternu[editar | editar la fonte]