Club Patín Xixón Solimar

Club Patín Xixón Solimar
Situación
Estáu	España
Datos
Nome oficial	Club Patín Gijón Solimar
Tipu	club deportivu
Fundáu en	1995
Categoría	OK Liga Femenina (es)
Instalaciones
Estadiu	Pabellón de Deportes Mata-Jove
Capacidá	280
Uniforme
Titular	Alternativu
Patrocinador	Telecable
	; Web oficial

[[Categoría:OK Liga Femenina ^(es) ]]

El Club Patín Xixón Solimar, anguaño Telecable Hockey Club por mor del patrociniu, ye un club deportivu de ḥoquei sobre patinos con sé en Xixón, Asturies (España). Tien equipos senior masculín y femenín, júnior, xuvenil, infantil, alevín, benxamín, prebenxamín y micro. L'equipu más destacáu ye l'equipu senior femenín, que compite al máximu nivel na so categoría, la OK Lliga femenina, y la Copa de la Reina. L'equipu senior masculín failo na Primer División B.

Historia[editar | editar la fonte]

Ñació nel añu 1995, tomando'l relevu de Club Patín Algodonera-81, que fuera l'únicu club de Xixón dempués de la desapaición del ḥoquei sobre patinos nel Colexu Inmaculada con Enrique Gabiñáu Molas al frente.

Dientro del club bien ceo entamó a destacar l'equipu femenín, qu'algamó'l títulu de la Lliga Norte Ástur-gallega na temporada 2002-2003, clasificándose pa participar per primer vegada nel Campeonatu d'España. Ganó de nuevu'l títulu na temporada siguiente, y consiguió el patrociniu de la empresa asturiana BIESCA Armarios Integraos, polo que la so denominación comercial pasó a ser Biesca Xixón Hockey Club, denominación que caltuvo hasta 2013. Dende xineru de 2014, tien el nome d'Hostelcur Xixón. Nes temporaes 2005-06 y 2006-07 quedaron subcampeones del Campeonatu d'España

La evolución del ḥoquei sobre patinos femenín xeneró l'apaición de la Copa d'Europa de ḥoquei sobre patinos femenín, na temporada 2006-07 y de la seición femenina de la OK Lliga na 2008-09. Dambos trofeos fueron ganaos na so primer edición pol Biesca Xixón.

La OK Lliga foi'l primer títulu nacional collecháu pol club, na temporada 2008-09, repitiendo títulu na temporada 2016/17.

La competición continental ye onde más destacó l'equipu asturianu, que tuvo presente en toles fases finales apostaes, ganando en cuatro ocasiones: en 2007 en ganando al CE Arenys de Munt na prórroga; en 2009 ganando al CP Voltegrá nos penaltis; en 2010, xugando en casa, dexando fuera al RSC-Cronenberg y.V. alemán en semifinales y al CP Alcorcón na final. En 2011 tamién algama la final, pero cayó 2-1 ante'l CP Voltregà na prórroga. El Club nun volvería a ganar un entorcháu internacional hasta l'añu 2018 cuando conquista la so quinta Copa d'Europa en Lisboa, venciendo pol resultáu de 4-3 al anfitrión, el Benfica.

La Copa de la Reina ye'l gran troféu que más tardó en consiguir el club, pos nun lo ganó hasta la so séptima edición, en febreru de 2012, cuando venció al Reus Deportiu en semifinales y al CP Voltregá na final, contra quien yá xugara les finales de 2007 y 2008. Repitió títulu al añu siguiente, cuando venció al CP Voltregá en semifinales y al CP Alcorcón na final. Nel 2016 repitió trunfu ganando al CP Voltregá nes semifinales y al Hockey Club Palau de Plegamans na final.

Nomes por patrociniu[editar | editar la fonte]

Biesca Xixón 2004–2013
Hostelcur Xixón 2014–2018
Telecable Hockey Club 2018–presente

Entrenadores principales[editar | editar la fonte]

Fernando Sierra 2001–2012
Lolo Fernández 2012–2013
María Fernández 2013–2017
Rubén Muñoz 2017–2018
Fernando Sierra 2018–presente

Palmarés[editar | editar la fonte]

Palmarés nacional[editar | editar la fonte]

3 OK Lliga (2008/09, 2016/17 y 2017/18)
3 Copes de la Reina (2012, 2013 y 2016)

Palmarés internacional[editar | editar la fonte]

5 Copes d'Europa (2007, 2009, 2010, 2012 y 2018)

Referencies[editar | editar la fonte]

↑ URL de la referencia: https://www.solimarhockeyclub.es/historia/.

Enllaces esternos[editar | editar la fonte]

Web oficial

[f5d704af7c2eca0bceff1a0eb3f6bf62f0ad4cf0-1] URL de la referencia: https://www.solimarhockeyclub.es/historia/.

[1]