Club Estudiantes de La Plata

De Uiquipedia
Saltar a: navegación, buscar
Estudiantes
Nome completu Club Estudiantes de La Plata
Nomatu León, Pincha, Pincharrata
Fundación 4 d'agostu de 1905
Estadiu Estadiu Ciudad de La Plata
Inauguración 25 d'avientu de 1907
Presidente arxentinu Enrique Lombardi
Entrenador arxentinu Mauricio Pellegrino
Lliga Primera División
2013 9u Primera División
Sitiu web oficial
Kit left arm.svg Kit body whitestripes.png Kit right arm.svg
Kit shorts.svg
Kit socks.svg
 
Kit left arm.svg Kit body.svg Kit right arm.svg
Kit shorts.svg
Kit socks.svg
 
Estudiantes 2008: 3.º nel Torneu Clausura y finalista de la Copa Sudamericana.

El Club Estudiantes de La Plata ye un club deportivu d'Arxentina, que s'alcuentra na ciudá de La Plata, capital de la provincia de Buenos Aires. Foi fundau el 4 d'agostu de 1905 y la so principal actividá ye'l fútbol. La institución conta con 38.000 socios y el so equipu de fútbol xuega nel campeonatu de Primera División d'Arxentina.

So mayor llogru foi en 1968, cuando finó comu Campeón del Mundu al derrotar al Manchester United d'Inglaterra na final de la Copa Intercontinental. Estudiantes ye unu de los seis equipos arxentinos que ganaron el másimu campeonatu de clubes de fútbol a nivel mundial. Tamién xugó les finales d'esa copa en 1969, 1970 y 2009, n'esta última baxo'l nuevu formatu de Mundial de Clubes de la FIFA.

Entamó so actividá futbolística en 1906, al xunise a los torneos d'AFA, y ye l'únicu club de la ciudá de La Plata qu'obtuvo títulos oficiales nacionales ya internacionales, de caráuter regular, na yera profesional. Ganó cuatro campeonatos de Primera División del fútbol arxentinu y, a nivel internacional, tamién en cuatro vegaes la Copa Llibertadores d'América, polo que ye'l tercer conxuntu arxentinu que más vegaes la ganó.

Amás de ser la institución que frayó la hexemonía de títulos de los nomaos cinco grandes en 1967, ganó la Copa Interamericana 1969; 2 copes nacionales non regulares, la Copa Escobar 1944 y la Copa de la República 1945; un torneu nacional durante la yera amateur, en 1913; y la Copa Ríu de La Plata 1914. Tamién foi finalista de la Copa Sudamericana 2008.

Estudiantes alcuentrase ente los cinco equipos del fútbol arxentinu con más presencies en Primera División (78 temporaes) y, en xunetu y agostu de 2009, alcontrábase nel 3.er puestu na clasificación mundial de clubes de la IFFHS.

Cola obtención de la Copa Llibertadores 2009, convirtiose nel cuartu equipu más premiau del fútbol sudamericanu n'esta competición.

Enlaces externos[editar | editar la fonte]