Cinturón d'asteroides

De Uiquipedia
Saltar a: navegación, buscar
Semeya de los asteroides troyanos delantre y detrás Xúpiter a lo llargu del so camín orbital. Tamién s'amuesa'l cinturón principal d'asteroides ente les órbites de Marte y Xúpiter.

Cinturón d'asteroides ye'l nome que se-y da a la zona del Sistema Solar allugada ente Marte y Xúpiter, na que s'atopen gran cantidá d'asteroides.

Descripción[editar | editar la fonte]

Anguaño conocense más de 40.000 asteroides con un diámetru de más de 800 metros. El mayor d'ellos ye Ceres, mide 950 km de diámetru y, poro, foi tamién el primeru en ser descubiertu. Namái los más grandes tienen forma esférica; los más son enforma más pequeños y irregulares, presentando bultables fractures estructurales y incluso pudiéndose davezu considerar como cuerpos compuestos, como ye'l casu de Toutatis, magar que nun ye parte del cinturón d'asteroides. En conxuntu, formen un aniellu alredor del Sol.

Los asteroides nun se distribuyen uniformemente cola distancia al Sol. A determinaes distancies que se correspuenden con periodos de revolución que formen una rellación cenciella col periodu de Xúpiter hai un drásticu amenorgamientu d'asteroides, lo que se conoz como Güecos de Kirkwood y ta en rellación fonda cola resonancia orbital de Xúpiter.

Hai bien delles teoríes sobre'l so orixe, pente les que rescampla la que caltién qu'éste debese a los restos d'un planeta vieyu, que popularmente recibiría'l nome de Faetón, y que, por causes desconocíes, españó en dellos cachos.

Otros cinturones d'asteroides y asemeyaos[editar | editar la fonte]

Esisten otres concentraciones d'asteroides nel Sistema Solar; pente les que destaquen el Cinturón de Kuiper y los asteroides Troyanos.

Vér tamién[editar | editar la fonte]