Ciares
 Ciares | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Parroquia | Xixón |
| Partíu xudicial | Xixón |
| Tipu d'entidá | barriu |
| Xeografía | |
| Coordenaes | 43°31′48″N 5°39′17″W / 43.530058°N 5.654628°O |
  Ciares Ciares (Asturies) | |
 | |
Ciares[1] ye un barriu de Xixón, [ensin referencies] per detrás de Cimavilla. Sos mayores señes d'identidá son el Parque Los Pericones, el mayor de tolos xixoneses, y el Cementeriu Municipal d'El Sucu, que ye'l más antiguu'l conceyu tres la so inauguración en 1876. Ye defendíu pol Asociamientu de Vecinos de La Cruz de Ciares.
Allugamientu[editar | editar la fonte]
Ciares foi tradicionalmente una zona apartada del noyu la villa, pero cola medría d'ésta, alcuéntrase dafechu sorbío pola zona urbana. Esto supunxo grandes cambeos pal barriu, que pasó a ser pieza clave nes comunicaciones de Xixón. Preba d'illo ye l'escomanáu noyu qu'enllaza'l tráficu urbán cola Autovía Minera y cola Ronda Sur xixonesa.[2]
Les llendes del barriu foren sida de controversia los caberos años,[3] pues los vecinos reclamen les fronteres tradicionales que col tiempu fueron faciéndose más pequeñes dende los organismos. Como causa apúntase mayoritariamente a los construtores que venden edificios y urbanizaciones allugaes nel barriu como parte d'otres zones averaes con una sonadía más residencial, pues Ciares ye arreyáu tradicionalmente polos xixoneses al Cemiteriu d'El Sucu. Urbanizaciones colindantes a emblemes del barriu como La Texerona o el Colexu Ursulines son anunciaes como parte de Viesques, o cais arraigonaes del barriu son a vegaes atribuiyíes a El Llanu.
Deporte[editar | editar la fonte]
El barriu ye coñocíu por bona parte d'asturianos gracies al club de fútbol que lleva'l so nome pola Tercer división asturiana, l'Unión Club Ceares. Fundao en 1946, xuega nel campu de La Cruz, de yerba natural. En categoríes inferiores destaca'l Club Deportivo Manuel Rubio, fundao en 1981 y lligáu íntimamente al colexu'l mesmu nome, que xuega nel campu d'arena de La Texerona, si bien espérase inaugurar en 2008 un nuevu campu de yerba artificial.[4] Yá hai nel barriu otru campu de céspede sintéticu, l'emplegáu polos equipos de fútbol del Colexu de la Inmaculada qu'asítiase nel propiu colexu.
La Cruz de Ciares[editar | editar la fonte]
La Cruz de Ciares ye'l mayor símbolu vecinal, que da nome tanto a la zona na qu'allúgase, como a l'asociamientu de vecinos, como al campu de fútbol, ente otros. Trátase duna cruz pulida en piedra asitiada so un pedestal, anguaño allugada'l empar del Fogar del Pensionista. Foi repatriada por una xestión de l'asociamientu vecinal, encabezada por José Manuel Quintanal, pues demientres un tiempu tevo nel Muséu del Pueblu d'Asturies, tamién en Xixón. La escultura alcuéntrase mui cercana a un cruce de cuatru carreteres mui baturicies, polo qu'aprovechando la sinonimia ye mui de cutio referise al cruce de caminos tamién como La Cruz de Ciares.
Coincidiendo cola gestión del tresllaú, intentóse probar n'estremaos archivos y biblioteques l'orixe de la escultura, pero nenguna de les versiones alcontraes parez ser dafecha.
Parque de Los Pericones[editar | editar la fonte]
El Parque de Los Pericones cunta con 141.813 m², lo que tórnalu nel más grande de Xixón, y ye 'auténticu polmón de la industrializada ciudá. Lo qu'antiguamente yera un coteru desendolcáu a la sema de maíz y fabes fora reabilitao como una gran zona verde mui usada polos xixoneses pa tomar el sol. El Conceyu Xixón llanció en 2007 un propuestu pa enanchar el parque a 40 ha, o lo que ye lo mesmo, unos 400.000 metros cuadraos, polo que'l yá de por si parque más grande multiplicaría cuasi por tres la so superficie.[5]
Nel parque celébrense ca añu les fiestes de Santiagu, coincidiendo cola festividá del apóstol Santiagu'l 25 de xunetu. Estes fiestes tuvieron inautives demientres 40 años, pero Quintanal, como representante del asociamuientu, alitóles en 2004 siendo un ésitu rondu.
Referencies[editar | editar la fonte]
- ↑ «Espediente colos topónimos oficiales de Xixón». BOPA.
- ↑ Abre en Ciares el mayor noyu de comunicaciones de la rexón.
- ↑ Ciares amuesa'l so maltar pola nueva dellimitación del barriu.
- ↑ El nuevu campu de fútbol de Ciares costará 1,2 millones y abrirá en 2008.
- ↑ El Conceyu alquier terrenos pa enanchar Los Pericones de 16 a 40 hectaries.
Enllaces esternos[editar | editar la fonte]
Wikimedia Commons acueye conteníu multimedia sobre Ciares 
.
