Chigre

De Wikipedia
Echando sidra nun chigre.

Chigre ye un establecimientu típicamente asturianu au s'espende y bebe sidra. Namái delles bébores tienen el privilexu de tener establecimientu con nome propiu. La cervecería ta dedicada a la cerveza; la coctelería, al cóctel; la tabierna, al vinu; etc.

El chigre ha d'axuntar delles condiciones. Arriendes de sidra, ha tener tamién vasos especiales, que dexen echala y recipientes au se recueyan los bagazos que se producen. Ha tener tamién escanciadores, pa lo que nun val cualquier camareru. Los chigres más típicos alfombren con serrín el suelu que fácilmente quedaba papáu de sidra. Esta práctica ta desaniciada anguaño y yá nun se ve nes sidreríes.

El chigre tradicional yá nun tien un aspeutu típicu, sinón tamién un golor típicu: el golor a sidra. Pa evitar eses reminiscencies y connotaciones, munchos establecimientos camudaron el so nome pol más finu de “sidrería”.

Anguaño, tamién se-y da esi nome a dalgunes tabiernes.

Orixe[editar | editar la fonte]

La pallabra chigre remanez del conceyu de Llangréu. Na so modalidá más simple consiste nun cilindru nel que, per aciu d'un manubriu que fai palanca, como los cabrestantes usaos en náutica, va endolcándose un cable qu'abasna lo que quier movese. Col pasu del tiempu esti sistema desenvolvióse y modificóse para crear un aparatu pa descorchar sidra. Esti sacacorchos acabó pol usu popular dando nome a la sidrería. Esta pallabra ye bien rara pa les persones non habitantes de la comunidá asturiana.

Notes y referencies[editar | editar la fonte]

Ver tamién[editar | editar la fonte]