Chantal Sébire

De Wikipedia

Chantal Sébire (28 de xineru, 1955 - 19 de marzu, 2008) yera una profesora fracesa de 53 años, retirada, que vivía en Plombières-lès-Dijon, a la vera Dijon, en Francia, que sufría un estesioneuroblastoma, una forma de cáncanu perraru ya incurable. Tamién ye raro'l que nos caberos 20 años sólo s'haigan diagnosticao 200 casos. Nel casu la señora Sébire la enfermedá dexó-y una malformación facial persevera y la inutilidá parcial de la cara. Ganó reconocimientu por primer vegada en febreru 2008 cuando fizo una declaración pública apelando al presidente francés, Nicolas Sarkozy, pa permiti-y morrer por eutanasia.[1] El 17 de marzu de 2008, les cortes franceses refugaron el so apelamientu.[2] El 19 de marzu de 2008 foi atopada muerta nel so llar.[3]

Sébire foi oxetu d'un artículu na revista Time.[4] El so pidimientu y posterior muerte foi estendida a munchos países, incluyendo Francia,[5] el Reinu Xuníu,[6] Holanda,[7] Hungría,[8] Italia,[9] España, [10][11] Rusia,[12] Estaos Xuníos,[13][14] y Australia.[15]

La so muerte revivió'l alderique sobre la eutanasia en Francia dende que fuera entamao el 21 de marzu de 2008. L'autopsia a Chantal d'esi mesmu día concluyó que nun morriere de causes naturales.[16]

Referencies[editar | editar la fonte]

Enllaces esternos[editar | editar la fonte]