Maja squinado
| Centollu | |
|---|---|
 Maja squinado |
|
| Clasificación científica | |
| Reinu: | Animalia |
| Filu: | Arthropoda |
| Subfilu: | Crustacea |
| Clas: | Malacostraca |
| Orde: | Decapoda |
| Infraorde: | Brachyura |
| Familia: | Majidae |
| Xéneru: | Maja |
| Especie: | M. squinado |
| Nome binomial | |
| Maja squinado (Herbst, 1788) |
|
El centollu ye un crustaceu marín mui apreciáu pol so sabor. El so nome científicu, Maja brachydactyla, alude a les pates curties que tien. Mide ente 85 y 200 mm y algama un pesu d'ente 250 y 3.000 gramos.
Vive nes agües del Atlánticu Norte, d'Irlanda a Guinea y nel Mediterraneu[1].
[editar] Etimoloxía
L'epítetu específicu squinado remanez del nome provenzal de la especie («squinado», «esquinade», «esquinado» o «esquinadoun»), rexistráu por Rondelet yá en 1554.[2]
[editar] El Centollu na gastronomía asturiana
Distínguense los machos de les femes, siendo más sabroses les segundes.
Pa comelu debemos quita-y les pates y partiéndoles con teneces o machacándoles con un mazu de madera so una tablina. Dempués abrimos el cascu y trociamos l'interior en cuatro cachos.
Dientro'l cascu suelen ponese güevos cocíos o quesu Cabrales y mecelo too con sidra. Tamién se comercializa dende va dellos años un paté de centollu.
[editar] Referencies
- ↑ Carl Meyer. «Maja squinado, the European Spider Crab: Biology and Fishery» ( inglés). Consultáu'l 15 de xunu de 2007.
- ↑ Le Foll, D. (1 de payares de 1993). Tesis doctoral, Université de Bretagne Occidentale (ed.): «Biologie et exploitation de l'araignée de mer Maja squinado (Herbst) en Manche Ouest» ( francés). Consultáu'l 15 de xunu de 2007.
Esti artículu ye un entamu, enantándolu, aidarás a meyorar la Uiquipedia
