Castillo de Salas

De Uiquipedia
Saltar a: navegación, buscar

El Castillo de Salas foi un buque de la Empresa Nacional Elcano fechu por Astano en Fene, La Coruña, en 1980. Yera un granaleru de 109.488 TPM con 261,43 metros d'eslora, 40 de manga y 20 de punta.

El 11 de xineru de 1986, tando fondiáu na ciudá de Xixón l'ancla falló enxorrando'l barcu a la vera'l Cerru Santa Catalina bien cerquina'l barriu Cimavilla. Tolos intentos que se ficieren pa rescatalu nun sirvieron pa nada y el Castillo de Salas finalmente diose como irrecuperable xunto a les 100.000 tonelaes de carbón que tresportaba.

Col tiempu la proba reflotóse, depués llevóse mar adientru y ellí darréu la fundieron. La popa foi esguazada nel llugar onde enxorró. Aínda en 2003 esguazáronse los caberos restos que quedaben del barcu y que s'abandonaren na zona'l fundimientu hasta qu'entamaron a arramar galipote.

Anguañu, entá se recueyen 30 tonelaes de sable moyao amestao con carbón y galipote que llega al sablón de San Llorienzu.

Una cronoloxía de los fechos asocedíos fueron:

1) El 11 de xineru'l buque enxorra nel Cerru de Santa Catalina.

2) El 15 de xineru'l Castillo de Salas frañe en dos cachos colo qu'entamen los primeros arramaos de carbón y galipote.

3) El 23 de febreru la proa y 5 bodegues fúndense n'alta mar.