Cassoulet

De Uiquipedia
Saltar a: navegación, buscar
Cassoulet yá servíu en platu.
Carcassonne

Cassoulet ye un platu de la gastronomía occitana, fundamentalmente un pote fechu con fabes y estremaes partes de carne animal. Ye típicu de la cocina de la rexón de Languedoc.

Tien delles versiones; l'ingrediente básicu son les fabes blanques y tán mecíes con carne como confit d'oie (confit de coriu), salchiches, chorizu, corteya de gochu, tamién se pue alcontrar con perdiz o corderu dependiendo de la temporada del añu o la variedá llocal.

Les fabes ponénse ente agua unes hores enantes y llueu guísase a fueu lentu nuna cassole o cacerola de barru; ye d'equí d'onde remanez el nome cassoulet.

Tres villes, Castelnaudary, Carcassonne y Toulouse dispútense l'orixe primixeniu y sobre too la meyor calidá de cada variedá del platu, continuando una engarradiella yá ancestral.

Ye habitual alcontralu yá preparáu en llates variando en preciu ya ingredientes según la versión y precios. Les más barates suelen tener namái fabes, salsa de tomate, unas pieces de gochu y salchiches barates. Preparaciones más cares usen grasa de gansu y amás puen tener salchiches de Toulouse, gansu, corderu o confit de pato.

Ver tamién[editar | editar la fonte]