Carrió
 Carrió | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Carreño |
| Partíu xudicial | Xixón |
| Tipu d'entidá | parroquia d'Asturies |
| Xeografía | |
| Coordenaes | 43°33′20″N 5°43′53″W / 43.55564°N 5.73127°O |
  Carrió Carrió (Asturies) | |
| Superficie | 2.31 km² |
| Altitú | 44 m[1] |
| Llenda con | Prevera, Albandi, Xixón y Veriña |
| Demografía | |
| Población | 138 hab. (2011) |
| Porcentaxe |
1357.2% de Carreño 13.65% de provincia d'Asturies 13.65% de Principáu d'Asturies 0.29% de España |
| Densidá | 59,74 hab/km² |
| Más información | |
| Estaya horaria | UTC+01:00 |
 | |
Carrió[2] ye una parroquia de les doce del conceyu asturianu de Carreño.
Situación y comunicaciones[editar | editar la fonte]
La parroquia de Carrió ocupa la fastera más oriental del conceyu. Llenda al norte col mar Cantábricu, al este col conceyu de Xixón a través de la ría d'Aboño y coles parroquies carreñines de Prevera, al sur, y de Priendes y Albandi al oeste.
La distancia media con Candás, capital del conceyu, ye d'unos 5,50 km (siendo'l nucleu más cercanu la casería despoblada d'El Palacio a 4,90 km. y el más llonxanu la casería de L'Alto Aboño, a 6,10 km).
Pue llegase dende Candás a Carrió en tren o per carretera:
El códigu postal ye 33492.
Territoriu y población[editar | editar la fonte]
Tien una estensión de 2,31 km².
Viven nella 138 persones (INE, 2011), 66 homes y 72 muyeres.
Les entidaes de población de la parroquia son les siguientes:
| ENTIDÁ | CATEGORÍA | POBLACIÓN |
|---|---|---|
| Aboño | Aldea | 26 |
| L'Alto Aboño | Casería | 3 |
| El Bandín | Casería | 19 |
| El Cantu San Xuan | Casería | 7 |
| Les Cruciades | Casería | 3 |
| La Cuesta Carrió | Casería | 12 |
| Llamera | Casería | 11 |
| Otero | Llugar | 33 |
| El Palacio | Casería | Despoblada |
| La Peruyera | Casería | 4 |
| El Regueru | Casería | 4 |
| La Sabarriona | Casería | 16 |
Topónimu[editar | editar la fonte]
Xosé Lluis García Arias, al falar de los topónimos acabaos n'-ón, diz:
- "El fenómenu de pérdida de -n ofreceríenlu, quiciá, dalgunos exemplos como Nalió (Gr)359, Somió (Xx)360, Carrió (Cñ) orixináu dende CARRIUS + suf. (Solin; 250 p. 12), a nun ser que, en dalgún casu, se trate d'exemplos de confusión y posterior reduición del diptongu -oi, -ou [...]."[3]
Sitios d'interés[editar | editar la fonte]
Ilesia de San Llorienzu de Carrió[editar | editar la fonte]
La ilesia parroquial de San Llorienzu de Carrió[4] asítiase nel barriu d'Otero.
El templu orixinal fue quemáu mientres la Guerra Civil y llevantada otra vuelta en comuña pola vecindá. Anguaño, tien dientro les imaxenes de la Virxe del Rosariu, de San Llorienzu y de la Inmaculada Concepción, toes elles donaes pol pueblu.
Palaciu de los Bernaldo de Quirós[editar | editar la fonte]
El Palaciu de los Bernaldo de Quirós en Carrió alcuéntrase nel barriu d'Otero, dientro una finca d'unos 70.000 m².
La familia Bernaldo de Quirós mandólu construyir inicialmente nel sieglu XVIII y a finales del XIX amplióse (quiciás cola collaboración del arquiteutu xixonés, Manuel Del Busto González).
Ye propiedá de la empresa Cementos Tudela Veguín dende 1999. L'aspectu anguaño ye de deterioru y abandonu.
Molín de Pielgo[editar | editar la fonte]
El molín de Pielgo[5] asítiase na casería de Llamera, averáu al calce del ríu Reconco.
Construyérase a finales de la dómina del XIX, principios de la del XX. Consérvase solamente l'edificiu, de planta rectangular de 5,5 m X 3,5 m y un solo espaciu coles dependencies básiques: infiernu y sala'l molín. Falta la ñora o canal que trayía l'agua, polo que nun tien utilidá.
Esti molín producía corriente lléctrica pal Palaciu de los Bernaldo de Quirós.
Palombar del Palaciu[editar | editar la fonte]
El palombar del palaciu[6] ye una construcción del sieglu XVI, en forma de torre de planta circular.
Ta nel barriu de La Peruyera, en terrenos propiedá de Cementos Tudela Veguín. Alcuéntrase abandonáu.
Palombar de Casa Rodrigo[editar | editar la fonte]
La construcción del palombar de Casa Rodrigo[7] ta datada nos caberos años del sieglu XVI y primeros del XVII. Ye un palombar d'en forma torre, con planta cuadrada de 2,30 m de llau.
Alcuéntrase nel barriu d'Otero y propiedá de Casa Rodrigo. El so estáu ye d'abandonu pola falta d'usu.
Monumentu a "La Chata"[editar | editar la fonte]
L'Asociación de Vecinos del Alto Aboño dedicó esti monumentu a la Familia Real española nel añu 1915, pola mor de la visita a Carreño de la Infanta Isabel Francisca de Borbón y Borbón, conocida como “La Chata”, que ficiera una escursión pola parroquia y la vecina d'Albandi y regaló un faldón pal Cristu de Candás.[8] Llamentablemente, el desmonte de L'Alto Aboño por parte de l'Autoridá Portuaria de Xixón, destruyó'l monumentu.
Fiestes[editar | editar la fonte]
- 10 d'agostu: San Llorienzu
- Tercer domingu d'agostu: festividá de la Sacramental.
Entidaes de la Parroquia[editar | editar la fonte]
A.V. "El Filandón" de Carrió[editar | editar la fonte]
Direición: Escueles d'Aboño, Camín de la Sabarriona
Códigu Postal: 33492 - Carrió
Presidente: Pablo Quiroga Prendes
Páxina Web: http://web.archive.org/20050115054748/www.geocities.com/avvcarrio (ensin usu)
Teléfonu: 985 16 96 00
Contó col Coru de voces "El Filandón" y ufierta dellos talleres a los vecinos durante la selmana.
Asociación Cultural "El Santo Milagro"[editar | editar la fonte]
Direición: Carrió, 11
Códigu Postal: 33492 - Carrió.
Presidente: Pablo A. Quiroga Prendes
Páxina Web: http://web.archive.org/20040418100307/www.geocities.com/elsantomilagro/ (ensin usu)
Cultural Deportiva de Aboño[editar | editar la fonte]
Direición: Aboño
Códigu Postal: 33439 - Carrió - Carreño
Presidente: Gustavo Martín Gayo
Teléfonu: 600419192
La Cultural Deportiva Aboño ye un club de fútbol fundáu nel añu 1929.
Anguaño participa na categoría de 1ª Rexonal.
Xuega nel Campo Municipal "Gómez Lozana" de Carrió.
Referencies[editar | editar la fonte]
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Carreño». BOPA.
- ↑ Xose Lluis García Arias, "Toponimia Asturiana"[1]
- ↑ Páxina l'Ayuntamientu de Carreño[2]
- ↑ Páxina l'Ayuntamientu de Carreño[3]
- ↑ Páxina l'Ayuntamientu de Carreño[4]
- ↑ Páxina l'Ayuntamientu de Carreño [5]
- ↑ Páxina l'Ayuntamientu de Carreño[6]
Enllaces esternos[editar | editar la fonte]
Wikimedia Commons acueye conteníu multimedia sobre Carrió 
.
.svg){kind=small}
|
Parroquies de Carreño | 
|
|---|---|---|
| Albandi | Ambás | Candás | Carrió | Quimarán | Llorgozana | Perlora | Prevera | El Pieloro | Priendes | Tamón | El Valle | ||
| Control d'autoridaes |
|
|---|
Datos: Q5046488- Multimedia: Carrió, Carreño