Carpeta d'usuariu

La carpeta d'usuariu ye un direutoriu específicu asignáu pol sistema operativu, onde un usuariu almacena de forma independiente los sos ficheros personales. Na actualidá, la carpeta d'usuariu tien nel so interior delles carpetes ente les que podemos atopar: "documentos", "música", "videos" y "descargues".

Dependiendo del sistema operativu, la organización de la carpeta d'usuariu pue variar. Por exemplu, en Windows 95/98 la carpeta "Los mios documentos" yera la carpeta d'usuariu y contenía tolos ficheros ensin distinción. En versiones de recién de Microsoft Windows, Mac OS X y Linux, la carpeta "Los mios documentos" ye una subcarpeta de la carpeta d'usuariu que namái contién ficheros de suites d'oficina como Microsoft Office o Libreoffice.org.

El sistema operativu namái dexa que l'usuariu y l'alministrador accedan o modifiquen los conteníos de la carpeta d'usuariu.

Ver tamién

• Papelera de reciclaxe
• Barra de xeres
• Sistema operativu
• Sistema de ficheros

Enllaces esternos

• Wikimedia Commons tien conteníu multimedia tocante a Carpeta d'usuariu.

• Datos: Q818391