Carnegie Hall Tower

Coordenaes: 40°45′53″N 73°58′47″W / 40.76481°N 73.97972°O / 40.76481; -73.97972
De Wikipedia
Carnegie Hall Tower
Rascacielos
Llocalización
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Ciudá Nueva York
Borough Manhattan
Coordenaes 40°45′53″N 73°58′47″W / 40.76481°N 73.97972°O / 40.76481; -73.97972
Carnegie Hall Tower alcuéntrase en los EE.XX.
Carnegie Hall Tower
Carnegie Hall Tower
Carnegie Hall Tower (los EE.XX.)
Historia y usu
Apertura1991
Arquiteutura
Arquiteutu/a César Pelli
Estilu arquiteutura postmoderna
Altor 231 m
Pisos 60
Web oficial
Cambiar los datos en Wikidata

Carnegie Hall Tower ye un un rascacielos de la ciudá d'Estaos Xuníos de Nueva York. Asítiase nel númberu 152 de la cai 57 Oeste (West 57th Street) y tien 60 pisos d'oficines, con un altor de 231 m. Ta arracimáu con otros dos rascacielos, el CitySpire Center y el Metropolitan Tower, y foi construyíu con un estilu arquiteutónicu qu'harmoniza col de su vecín occidental, la sala de conciertos Carnegie Hall. L'edificiu foi diseñáu por Cesar Pelli en 1987, y la so construcción finó en 1991. El so diseñu ganó una mención honorífica del Institutu Americanu d'Arquitectos en 1994.

La torre, rectangular, ye perestrecha na so parte frontal, con un anchor de namái 15 m, magar que ye más ancha nes sos fachaes oriental, que mira pa la Metropolitan Tower, y occidental, que mira pal Carnegie Hall. La so estructura, diseñada pol inxenieru Jacob Grossman, ye de columnes d'hormigón, siendo ún de los mayores edificios con esqueletu d'hormigón de la ciudá. Les sos fachaes, d'estilu asemeyáu al de la sala de conciertos homónima, recúbrense de lladrillos de color marrón y verde oscuru, con dinteles prefabricaos d'hormigón enriba les ventanes y franxes de metal pintaes cada seis pisos. El so cumal adórnase con unos salientes en forma d'aguya qu'asemeyen les cornises neorrenacentistes del Carnegie Hall. El vestíbulu y les zones comunes, pela so banda, tán revestíes mármol y madera.

Referencies[editar | editar la fonte]

Enllaces esternos[editar | editar la fonte]