Carlos I d'España y V d'Alemaña

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Escudu d'armes de Carlos I.
Carlos I d'España y V d'Alemaña, retratu de Rubens.

Carlos I d'España y V d'Alemaña, (Gante, 24 de febreru de 1500Cuacos de Yuste, Cáceres (Estremadura), 21 de setiembre de 1558). Tamién conocíu como l'Emperador, foi rei de Castiella, Aragón (col nome de Carlos I) y del Sacru Imperiu Romanu y de Borgoña (col nome de Carlos V).

Fíu de Xuana la Lloca y Felipe'l Fermosu y nietu por so padre de Maximiliano I d'Austria y María de Borgoña (de los qu'heredó los Países Baxos, los territorios austríacos y el tronu imperial) y de los Reis Católicos por parte de so madre (de los qu'eheredó'l Reinu de Castiella (con Canaries y les Indies) y el d'Aragón (con Nápoles y Sicilia).

En 1515 algamó la mayoría d'edá y dende entós encargóse del gobiernu de Flandes.


Entamos como Rei d'España y nomamientu d'Emperador[editar | editar la fonte]

En 1516 foi nomáu rexente d'España pola muerte de Fernandu d'Aragón y en nome de so madre Xuana la Lloca, pero los sos conseyeros flamencos ente los que taba Adrianu d'Utretch (futuru Clemente VI) convenciéronlu pa que se proclamare rei con so madre. Esto causó maltar ente la población castiellana y desacreditólu enantes de venir siquiera a España, au desembarcara en 1516 nel puertu Tazones, n'Asturies. Sedría esti'l biltu de les revueltes de les comunidaes y de les Xermaníes.Cuando llegó a Valladolid xuró'l tronu na llesia de San Pablo y lluéu coló p'Aragón pa facer lo mesmo ellí.Foi equí au-yos llegó la noticia de que diba ser nomáu Emperador del Sacru Imperiu Romanu, lo que fexo que colare pa Galicia, au convocó Cortes primero en Santiago de Compostela y lluéu en La Coruña, pa pedi-yos un serviciu (que-y dieren dineru pa pagar los sos gastos de viaxe y sobornu a los electores Imperiales) depués de dau esti dineru, coló p'Alemaña dexando al yá nomáu Adrianu d'Utretch de Rexente, magar que yera odiáu pel pueblu.

Mapa del Imperiu européu de Carlos I d'España y V d'Alemaña
Charles I and V empire.png
Castiella
Aragón
Borgoña
Austria