Campionatu d'Asturies de Liriu

Campionatu d'Asturies de Liriu
Xeneral

El Campionatu d'Asturies de Liriu ye la competición por equipos asoleyada pol Conceyu Nacional de Liriu p'algamar l'equipu más competitivu ente los que lu integren. Los Campionatos vienen disputándose en tantes xornaes como equipos formen el CNL, teniendo caún la obligación d'organizar una. Dende 2009, van disputaos dos Campionatos, dambos algamaos pol equipu uvieín Espor d'Asturies.

I Campionatu d'Asturies de Liriu 2009

Dempués de les conversaciones ente los trés equipos fundadores del Conceyu Nacional de Liriu (Asturlirio, Quirinal Liriu Sport y Espor d'Asturies), el sábadu 18 de xunetu de 2009 róblase l'Acuerdu pa la Celebración del I Campionatu d'Asturies de Liriu [1] en LLamorgal, LLanera. Nesi alcuerdu pónense los sofitos del Campionatu: el sistema competitivu, el sistema de xuegu y les condiciones del tarrén y la ferramienta.

Machorrazu de Pepe Pravia, na primer xornada

1ª xornada

Espor d'Asturies, 73 – Quirinal Liriu Sport, 65 – Asturlirio, 51 LLamorgal, LLanera. 18 de xunetu de 2009. De secute la robla, celébrase la primer xornada del Campionatu, organizada por Espor d'Asturies. A 30 carreres, puntuando'l primeru néncastrar 3 puntos de carrera, el segundu 2, y el terceru, 1.

• Espor d'Asturies: Suari, Iyán, Luis, Sergio y Xuacu.
• Quirinal Liriu Sport: Pravia y Xermán.
• Asturlirio: Javi, Falo, Popes, Sandra y Laura.

Semeya de grupu de los participantes na segunda xornada

2ª xornada

Quirinal Liriu Sport, 74 – Espor d'Asturies, 80 Poliderpotivu de la Magdalena, Avilés. 22 d'agostu de 2009. La segunda xornada del Campionatu ye organizada por Quirinal Liriu Sport. L'equipu Asturlirio nun comparez. Dispútase a 30 carreres, celebraes de dos en dos. Puntúen 3 puntos de carrera'l primeru n'encastrar y 2 el segundu.

Equipu d'Espor d'Asturies qu'algamó'l triunfu na primer xornada del Campionatu: Sergio, Xuacu, Suari, Luis Riaño y Iyán

• Quirinal Liriu Sport: Mora, Pravia, Xermán, Julián y Hevia.
• Espor d'Asturies: Pepa, Sergio, Luis, Carlos, Iyán y Xuacu.

3ª xornada

Espor d'Asturies, 84 – Quirinal Liriu Sport, 83 Pista Polideportiva de Piarnu, Castrillón. 7 de payares de 2009. La imposibilidá de comparecer del equipu Asturlirio, fai que los dos equipos restantes organicen la xornada. Dispútase a 32 carreres, celebraes de dos en dos. Puntuaron 3 puntos de carrera'l vencedor y 2 el segundu.

• Espor d'Asturies: Carlos, Xuacu, Luis Carlos y Sergio.
• Quirinal Liriu Sport: Xerman y Hevia.

Clasificación final

[2]

Puestu	EQUIPU	Ptos. de carrera	Ptos. de partida
1	Espor d'Asturies	237	12
2	Quirinal Liriu Sport	222	6
3	Asturlirio	51	1

II Campionatu d'Asturies de Liriu 2010

Ficieron falta dos aconceyamientos previos, n'Avilés y en La Caizuela, p'algamar el consensu pala nueva reglamentación de la Temporada 2010. Los cinco equipos (Asturlirio, Quirinal Liriu Sport, Espor d'Asturies, Sidrones y la Camaretá de Liriu de Noreña) alcordaron un camudamientu nel sistema de puntuación de les carreres, p'axilizar el so trescursu con cinco xugadores en caúna, y de la xornada. Les puntuaciones de cada carrera quedaben de la siguiente forma: [3]

• "En cada carrera puntuarán los tres primeros xugadores en encastrar: 3, 2 y 1 puntu respeutivamente. En casu d'empate, otórguense los mesmos a tolos xugadores empataos, anque seyan más de tres, per enriba, dexando llibre el/los siguientes puestos."
• "Establezse en 3 el númberu de rondes posteriores a que’l primer xugador encastre’l so liriu, pa que’l restu xugadores de la carrera encastren los de so. Solo puntuarán aquellos que lo faigan nesi intre, faciéndolo según la posición d'encastre, independientemente de la ronda cuando lo faigan."

El campionatu disputóse a cinco xornaes, onde cada equipu organizaba una.

1ª xornada

Espor d'Asturies, 63 – Camaretá de Liriu de Noreña, 46 – Asturlirio, 24 – Sidrones, 16 – Quirinal Liriu Sport, 43 Colexu Públicu El LLano, de Xixón. 28 de marzu de 2010. L'eventu, que se completó col I Abiertu de Liriu d'El LLano, fue organizáu por Espor d'Asturies. La partida fue a 30 carreres, de les qu'Espor d'Asturies enconstró en primer llugar 14 veces. Los trés xugadores más granibles de la partida fueron Xermán de Quirinal Liriu Sport (con un cociente de 0.92), Toño de Sidrones (0.91) y Aarón de la Camaretá de Liriu de Noreña (0.88).

• Espor d'Asturies: Iyán, César, Lucía, Sergio, Suari y Xuacu.
• Camaretá de Liriu de Noreña: Pacheco, Lucía, Adrián, Aarón y Iyán.
• Asturlirio: Falo, Enrique, Marisa, Martínez, Tere y Javier.
• Sidrones: Portali, Paula, María, Lilian, Rebeca, Eva, Evina y Toño.
• Quirinal Liriu Sport: Pravia, Xermán, Hevia y Guillermo.

2ª xornada

Camaretá de Liriu de Noreña, 16 – Asturlirio, 18 – Sidrones, 11 – Quirinal Liriu Sport, 14 - Espor d'Asturies, 35 Paséu Frai Ramón, Noreña. 25 d'abril de 2010. La Camaretá de Liriu de Noreña organiza ún de los eventos más espectaculares hasta'l momentu nel Paséu Frai Ramón de la villa condal, na cai, delantre'l quioscu la música. Axúntase'l I Abiertu'l Picadillu de Noreña. La partida dispútase a 15 carreres. Espor d'Asturies lleva 9 d'eses carreres. Quirinal Liriu Sport solamente comparez con trés machorradores, lo que ye insuficiente pa puntuar na clasificación xeneral. Los xugadores más granibles son Suari y Iyán, d'Espor d'Asturies, con un plenu de puntos, y Javier d'Asturlirio, con un cociente de 0.88.

• Camaretá de Liriu de Noreña: Iyán, Adrián, Lucía, Pacheco, Abel y Aarón.
• Asturlirio: Falo, Marisa, Tere, Javier y Martínez.
• Sidrones: Toño, María, Paula, Portali, Eva, Dani y Lilian.
• Quirinal Liriu Sport: Guillermo, Hevia y Juan.
• Espor d'Asturies: Mara, Luis Carlos, Suari, Iyán y Sergio.

3ª xornada

Sidrones, 29 – Quirinal Liriu Sport, 22 – Espor d'Asturies, 30 – Camaretá de Liriu de Noreña, 36 – Asturlirio, 25 Colexu Públicu Maliayo, de Villaviciosa. 22 de mayu de 2010. Los Sidrones llevaron esta xornada a Villaviciosa, onde se celebró amás el I Abiertu maliayu de Liriu. Disputóse a 20 carreres. La Camaretá lleva 9 y gana la partida, pero solo con tres machorradores, lo qu'impide que puntúe na clasificación xeneral en favor d'Espor d'Asturies, que queda segundu. Los meyores xugadores de la aprtida van ser Suari d'Espor d'Asturies (0.83), Toño de Sidrones (0.77) y Pacheco de la Camaretá de Liriu de Noreña (0.75).

• Sidrones: Dani, María, Paula, Portali, Xandru y Toño.
• Quirinal Liriu Sport: Xermán, Pravia, Juan y Hevia.
• Espor d'Asturies: Sergio, Pepa, Suari y César.
• Camaretá de Liriu de Noreña: Abel y Pacheco.
• Asturlirio: Enrique, Falo, Javier, Martínez, Marisa y Tere.

4ª xornada

Quirinal Liriu Sport, 30 – Espor d'Asturies, 50 – Asturlirio, 53 – Sidrones, 39 Colexu Públicu de La Caizuela, Illas. 27 de xunu de 2010. Quirinal Liriu Sport organiza la xornada nel conceyu d'Illas, cola partida y el I Abiertu'l Coneyu d'Illas. La Camaretá nun se presenta, polo que'l restu los equipos deciden aprovechar la velocidá de les carreres a cuatro xugadores pa disputar les 30 máximes reglamentaries. Asturlirio, que gana la partida, algama 13 carreres pa so. Pero los puntos de partida del segundu puestu valíen-y a Espor d'Asturies pa conseguir el Campionatu. Los tres xugadores más valiosos van ser Sergio d'Espor d'Asturies (0.95), Javier d'Asturlirio (0.87) y Toño de los Sidrones (0.83).

• Quirinal Liriu Sport: Pravia, Xermán, Hevia, Juan y Guillermo.
• Espor d'Asturies: Xuacu, Suari, Mara y Sergio.
• Asturlirio: Falo, Javier, Enrique, Martínez, Marisa y Tere.
• Sidrones: Toño, Dani, Eva, Paula y María.

5ª xornada

Asturlirio, 28 – Espor d'Asturies, 48 – Quirinal Liriu Sport, 27 – Sidrones, 25 – Camaretá de Liriu de Noreña, 29 Polideportivu de Piedrasblancas, Castrillón. 24 de xunetu de 2010. El equipu decanu, Asturlirio, decidió finar el Campionatu na mítica plaza de Piedrasblancas, organizando amás el I Abiertu de Piedrasblancas de Liriu. La partida tuvo un llargor de 20 carreres, siendo 13 pa Espor d'Asturies. La Camaretá presentóse solo con dos xugadores. Cuatro xugadores consiguieron 11 de los 12 puntos que disputaron (0.92): Javier d'Asturlirio y Sergio, Xuacu y Iyán, d'Espor d'Asturies.

• Asturlirio: Falo, Javier, Marisa, Enrique, Martínez y Tere.
• Espor d'Asturies: Xuacu, Suari, Iyán, Pepa y Sergio.
• Quirinal Liriu Sport: Hevia, Xermán, Pravia y Guillermo.
• Sidrones: Dani, Toño, Portali y Paula.
• Camaretá de Liriu de Noreña: Abel y Tino.

Clasificación

Puestu	EQUIPU	Ptos. de carrera	Ptos. de partida
1	Espor d'Asturies	226	28
2	Asturlirio	148	19
3	Sidrones	109	12
4	Quirinal Liriu Sport	136	10
5	Camaretá de Liriu de Noreña	124	7

Enllaces esternos

• Datos: Q13146860