Campa Torres
La Campa Torres ye una estensión de tarrén que s'alcuentra nel cabu de Torres, península que se deita so'l mar Cantábricu, nel norte de la Península Ibérica. Domina'l puertu de El Musel y asítiase al oesti de la ciodá de Xixón (Asturies) a unos siete quilómetros de distancia.
Trátase d'un enclave que dende abeyaná habitárase por desemeyaes tribus asina como polos romanos como atestiguan los nantes y xacimientos arqueolóxicos afayaos na faza'l cabu de Torres asina como'l cercanu monte Areo. Por toó esto somos a figurar los siguientes xacimientos arqueolóxicos como son les istalaciones del Parque Arqueolóxicu-Natural de la Campa Torres y apaniguardar los nantes del xacimientu arqueolóxicu del oppidum Noega, un primitivu castru áu vivíen los cilúrnigos.
Dende otru puntu de vista, el cabu Torres qu'encadarma la campa posui una doyura biolóxico y xeológico de gran emportancia, cola esistencia d'un sustratu vexetal carauterísticu.
La fauna del cabu nun desmerez a la vexetación siendo un enclave d'alta emportancia pal escuque d'aves marines.
Tabla de conteníos |
[editar] Parque arqueolóxicu
Los primeros estudios nel parque daten de caberos del sieglu XVIII, cuando en 1783 l'arquiteutu Manuel Reguera González, afaláu por Xovellanos, escavando los nantes de dos costrucciones qu'elli coxitó pertenecientes a les costrucciones de les Ares Sestianes.
En 1972 José Manuel González, profesor de Prehestoria de la Universidá d'Uviéu, fílalu como'l castru Noega, coñocío por desemeyaos testos antiergos. Seis años más sero, en, 1978, José Luis Maya y Juana Bellón rializan la primer campaña d'escavación científica, n'esta campaña afayóse un edificiu román y nantes de arqueolóxicos más antiergos. En 1980 ye declaráu como Bien d'Interés Cultural y en 1982 entamen les escavaciones periódiques de la Campa de Torres, baxo la direición de José Luis Maya González y Francisco Cuesta y dientro'l "Proyeutu Xixón".
En 1985 a José Luis Maya González y Francisco Cuesta encársase-yos, por parte'l Ministeriu de Cultura, la redación d'un antepoyeutu y proyeutu pa la criación d'ún de los primeros parques arqueolóxicos d'España nel xacimientu xixonés.
El parque inauguróse pol ministeriu de cultura nel añu 1989 siendo parte del plan de parques arqueolóxicos qu'entama a ellaborar el ministeriu esi añu como mena de paletación y estudiu de desemeyaos xacimientos arqueolóxicos n'España. N'esta llinia, el ministeriu abángase nun sólo a la muesa de les desemeyaes pieces que s'alcuentren n'elli, ensinon qu'enancha la conceición de la pallabra muséu a la zona qu'acupa'l xacimientu[1].
Asina por esta sida'l parque céntrase nun sólo na muesa de les pieces arqueolóxiques afayaes na faza'n desemeyaes cavadures qu'entá güei se caltienen, ensinon que la colleición amuésase dientro d'un marcu contestual cola dómina y la zona. Por illo a parte de rializar el llabor típico dd'abellugu de les pieces, rializa una paletación del xacimientu colo que'l parque finca dafechu integráu nel territoriu nel que s'afaya.
El parque paleta la prehestoria asturiano centrándose nos anicios de los asentamientos de magar les tribus ástures prerromanes fasta la dómina romana que dio orixen a la ciodá de Xixón tal como la conocemos anguaño. Esto ye posible por mor a les cavadures que dexaren a la clisada los nantes d'n pobáu prerromán dimpués romanizáu.
Los cincuenta mil m2 que conformen el parque alcuéntrense dixebraos en delles desemeyaes estayes:
- Receición y muséu (abaxo)
- Faru román
- Itinerariu arqueolóxicu (abaxo)
- Castru (abaxo)
- Miradorios d'aves
- Miradorios
[editar] Receición y muséu
El muséu acupa un antiergu búnquer de la guerra civil española pa la defensa del Musel. N'esti edificiu esiste una sala d'audiovisuales, servicios, espacios de trabayu, biblioteca y aria de recréu.
El muséu ta encadarmáu por desemeyaes reproduciones, maquetes y audiovisuales.
[editar] Itinerariu arqueolóxicu
Encadármase por trece puntos d'escuque nos que blagu a blagu vanse enseñando y enformando sobro los esemeyaos aspeutos del pobláu. Demientres to'l recorríu el gulipu amuesa diferentes viviendes prerromanes de planta circular (sieglu V a. de C.), elíptiques y viviendes romanes, éstes yá con planta rectangular (sieglos I al III).
Otros puntos d'interés son la muria defensiva , pozos artesanos, etc... N'esti percorríu tamién vienen marcaos datos de les estayes vexetales y la os evolución en paralelu coles civilizaciones que poblaron la campa.
Los puntos d'enformación que marcan esti recorríu úfrenos tamién datos sobro les tribes vexetales y la so evolución hestórica fasta configurar la paisada d'anguaño.
El Parque Arqueolóxicu-Natural de la Campa Torres ye'l nial qu'organiza y coordina tola actividá arqueolóxica del conceyu de Xixón, sé del centru de documentación arqueolóxica del municipiu y de la Biblioteca Manuel Fernández-Miranda.
[editar] Castru de la campa de Torres
El castru forma parte l'asentamientu anicial de la zona aniciándonos na compresión de los asentamientos humanos y la so estructura.
[editar] Galería
-
Muria defensiva
-
Fosu de la muriadefensiva
-
Tésicu que surtía d'augua al pobláu
-
Reproducción de casa prerromana
-
Detalle del nial 'ametralladores del búnquer de la Campa Torres
-
Faru de la Campa Torres
-
Semeya del Cabu Torres
[editar] Referencies
- ↑ Sitio web oficial del ayuntamientu de Xixón
