Calistu I

Calixtu I, (* Roma, ha. 155 – † 222). Papa númberu 16 de la Ilesia católica de 217 a 222.

Nacíu esclavu nel somantu d'una familia d'aniciu griegu, en cuya llingua'l so nome significa "el más guapu" (kallistos), nun abrazó'l cristianismu hasta la edá adulta. Como alministrador de los bienes d'un altu funcionariu del emperador Cómodo llamáu Carpóforu, tamién cristianu, viose implicáu nuna malversación de fondos que-y valió ser condergáu a trabayos forzaos nes mines d'azufre de Cerdeña; allí permaneció a lo llargo de tres años hasta que, alredor del 190, llogró ser lliberáu gracies a la intercesión de Marcia, una concubina del emperador Cómodo.

Depués de la so lliberación, el Papa Víctor I destinólu a Antium otorgándo-y una pensión; allí vivió hasta'l so treslláu a Roma reclamáu pol Papa Ceferín, que faciéndolu secretariu personal de so, nomólu diáconu y alministrador del cementeriu cristianu na Vía Appia, que depués se conocería como les catacumbes de San Calixto, y nel que se enterraron tolos papas que gobernaron la Ilesia a lo llargo del sieglu III, excepto él mismu.

A la muerte de Ceferín, Calistu ye elexíu como'l so sucesor. La circunstancia de ser un esclavu lliberáu nun yera un impedimenu pa ser elexíu papa hasta que León I el Magnu, nel sieglu V, asina lo dipuso.

Predecesor: San Ceferín

Papa 217 - 222

Socesor: San Urbanu I