Cabu Torres
El cabu de Torres ye un cabu allugáu na cuesta'l mar Cantábricu, más concretamenti na estaya occidental del conceyu de Xixón, (Asturies, España). Dista unos 7 kms. de la ciudá de Xixón y ye'l saliente costeru más emportante de tou'l conceyu.
Llatitú: 43º34'15 N Llongitú: 005º42'03 O
Nel añu 1923 costruyóse un faru, que fora caberamente rehabilitáu al pasar a formar parte del nomáu Parque Arqueolóxicu Natural de la Campa Torres, y nel que creose una biblioteca arqueolóxica sobre la hestoria del mesmu y de los demás faros de la cuesta asturiana.
Dende'l mesmu hai unes fermoses vistes de tola ciudá de Xixón, asina como de la cuesta occidental (sableres de Xivares, Perlora, Candás) y oriental asturiana.
Nuna enanchada llanera qu'esiste nel mesmu afayárense los nantes d'un antiergu asentamientu astur-román, el Castru de Noega.
