COGERSA

De Uiquipedia
Saltar a: navegación, buscar

COGERSA ye la Compañía para la Gestión de los Residuos Sólidos en Asturias, Sociedad Anónima. La sociedá creose nel añu 1985 dempués de ver el problema xeneráu polos residuos urbanos na zona central d'Asturies y pa la xestión xuntárense les autoridaes autonómiques y municipales.

Hestoria[editar | editar la fonte]

L'añu 1982 foi'l de la creación del Consorciu pa la Xestión de los Residuos Sólidos d'Asturies (COGERSA) cola participación d'ocho conceyos y del Gobiernu del Principáu d'Asturies, dexando abiertes les puertes a posteriores incorporaciones del restu d'Ayuntamientos d'Asturies. La ubicación elexida pal Depósitu Central de Residuos Urbanos d'Asturies foi'l Valle de la Zoreda, asitiau na zona central d'Asturies. Les obres del Burdiu Central entamaron n'agostu de 1984 y finaron n'ochobre de 1985. En 1986 toles basures de los consorciaos depositábense nel Burdiu Central de COGERSA. Na actualidá, tolos conceyos del Principau d'Asturies (78) pertenecen al Consorciu.

COGERSA S.A. ye'l titular del 100% del so capital social. Esta Compañía creose pa dinamizar la explotación de les instalaciones del Consorciu, cuya dimensión y complexidá facíen imprescindible dotar dicha explotación de la suficiente axilidá alministrativa y executiva.

Si bien COGERSA fízose inicialmente pa xestionar residuos urbanos, aína vióse que podríen aprovechase les sos ventaxes pa dedicase a la xestión d'otros residuos, y asina, el Gobiernu del Principá encomendó a COGERSA la realización d'estudios pa una posible xestión de los Residuos Industriales, coincidiendo colos planes de saneamientu de los ríos de la zona central d'Asturies. La xestión de Residuos Industriales Peligrosos en COGERSA comenzó la so singladura nel añu 1989.