Confederación Nacional del Trabayu

De Wikipedia
(Redirixío dende CNT)
Confederación Nacional del Trabayu
sindicatu y Confederación
Llocalización
Sede Bilbao
Direición España
Historia
Fundación1910
Participación empresarial
Filiales
Propietariu de
Forma parte de
Web oficial
Cambiar los datos en Wikidata

La Confederación Nacional del Trabayu, CNT (Confederación Nacional del Trabajo, en castellanu), ye una central sindical de cadarma confederal d'ideoloxía anarcosindicalista, fundada nel Salón de les Belles Artes de Barcelona el 30 d'ochobre de 1910.[1] Va ser el mayor sindicatu obreru d'España y anguaño ye la principal organización anarquista del país, y la única anarcosindicalista adherida a l'Asociación Internacional de Trabayadores.

Fundada en 1910 en Barcelona a partir de grupos organizaos alredor del sindicatu Solidaridad Obrera, recoyó'l testigu del espíritu del movimientu anarquista español que se traza dende la creación de la Federación de Trabayadores de la Rexón Española, organización que sucedió a la seción española de la Primera Internacional.

Con un significativu legáu históricu y cultural, la CNT continúa güei participando nel movimientu obreru español y asturianu sofitándose nos principios de l'autoxestión, el federalismu y l'ayuda mutua.

Historia[editar | editar la fonte]

Anicios de la CNT[editar | editar la fonte]

Francesc Ferrer i Guàrdia conducíu pola Guardia Civil a Montjuïc en 1909
Cabecera del diariu Solidaridad Obrera

Los anicios de la Confederacion Nacional del Trabayu, CNT, hai que buscalos nel desarrollu del movimientu obreru en Cataluña a lo llargo del sieglu XIX. Na primera mitá d'esti sieglu entama a espardese l'asociacionismu obreru y entamen les primeres rebeliones por medio de güelgues y la destrución de maquinaria y fábriques (ludismu), pa lluchar escontra la esplotación obrera. Hacia 1830 va a crease l'Associació de Teixidors de Barcelona, primera asociación obrera organizada n'España. El primer Congresu Obreru va a tener llugar en Barcelona l'añu 1870, y l'añu siguiente yá se debatía nel parllamentu español La Internacional. En 1890 los trabayadores organicen por primer vez n'España'l Primeru de mayu

El 17 de febreru de 1902 va a convocase en Barcelona la primera güelga xeneral revolucionaria. Unos meses anantes entamara a funcionar l'anarquista Escuela Moderna de Francisco Ferrer y Guardia.

El movimientu anarquista español nun tenía una organización nacional estable nos sos primeros años. Existió un consenso xeneral dientro del anarquismu a principios del sieglu XX de qu'una nueva organización llaboral nacional se necesitaba pa traer coherencia y fuercia al movimientu. Esta situación enmarcábase dientro del procesu natural de la revolución industrial. A lo llargo de la restauración borbónica, a los partíos tradicionales y dinásticos representaos por Cánovas del Castillo y Práxedes Mateo Sagasta, el movimientu obreru emerxente xunióse alredor del PSOE como fuercia política y de la UXT como sindicatu obreru. Nun faltaben tampoco los movimientos republicanos y con más acentu demócrata que parte de la nueva burguesía sofitaba.

El pesu del sindicalismu revolucionariu de los primeros años procedía de les tesis de los redactores de Solidaridad Obrera José Prat y Ricardo Mella, procedentes del anarcosindicalismu, pero que creíen nos preceptos básicos de la llucha sindicalista revolucionaria.

Asina, la CNT nació hacia l'año 1910 en Barcelona nun congresu del sindicatu catalán Solidaridad Obrera col oxetivu de constituir una fuercia relevante opositora al sindicatu mayoritariu n'aquella dómina, la socialista UXT y "entainar la emancipación económica de la clase trabayadora a través de la espropiación revolucionaria de la burguesía...". La CNT entamó siendo pequeña, con alredor de 30.000 miembros a través de varios sindicatos y otres confederaciones.

Militantes destacaos na CNT d'Asturies[editar | editar la fonte]

Referencies[editar | editar la fonte]

  1. Cent anys de CNT, de Pau Lanao i Carme Vinyoles, a la revista Presència (paxs. 6 a 13), númberu 2003, del 16 al 22 de xunetu de 2010. (en catalán)