Burne Hogarth

De Uiquipedia
Saltar a: navegación, buscar

Burne Hogarth (Chicago, 25 d'avientu de 1911 - París, 28 de xineru de 1996) foi un autor de cómics estaunidense, conocíu principalmente pol so trabayu pioneru col personaxe de Tarzán nes tires de prensa. Arriendes d'ilustrador, foi profesor de dibuxu y d'historia del arte, escritor y teóricu.

Tarzán[editar | editar la fonte]

En 1936 llegó-y la so gran oportunidá al ser elexíu sucesor de Harold Foster al frente de la páxina dominical de Tarzán, de United Feature Syndicate, que realizaría a lo llargo de doce años, de 1937 a 1945, y de 1947 a 1950; la interrupción debióse al so trabayu n'otra serie, Drago, les aventures d'un gauchu na Pampa arxentina, que tuvo una vida curtia. En 1948, tamién pa United Feature Syndicate, creó la so única serie humorística, Miracle Jones.