Bud Sagendorf

De Uiquipedia
Saltar a: navegación, buscar

Forrest Cowles Sagendorf (22 de marzu de 1915; 22 de setiembre de 1994),[1] más conocíu como Bud Sagendorf, foi un dibuxante americanu, notable pol so trabayu en King Features Syndicate faciendo tires cómiques de Popeye

Nació en Wenatchee, Washington, y a los tres años perdió a so padre. Con esa mesma edá llegó a Santa Mónica, California cola so hermana Helen y so madre, que abrieron un salón de belleza. Foi Helen la que-y puso’l nomatu de Bud. El so primer trabayu foi como vendedor de periódicos, vendiendo Los Angeles Herald-Express na cai. Entamó la so carrera como dibuxante siendo un adolescente, trabayando por 50 dólares a la selmana como asistente de Elzie Crisler Segar nes sos tires cómiques Thimble Theatre y Sappo. Depués de la muerte de Segar en 1938, Sagendorf treslladóse a New York y entamó a ilustrar matereriales de marketing pa King Features, al mesmu tiempu que desarrollaba xuguetes y xuegos de Popeye. En 1940 casó cola so compañera d’institutu, Nadia Crandall, treslladándose a Connecticut.[2]

Referencies[editar | editar la fonte]

  1. "United States Social Security Death Index," index, FamilySearch (https://familysearch.org/pal:/MM9.1.1/V3LD-ZNG : accessed 04 Mar 2013), Forrest C Sagendorf, 22 de setiembre de 1994.
  2. Baranski, Lynn. "Cartoonist Bud Sagendorf Takes Popeye into His 51st Year", People, 4 de febreru, 1980.