Boroña
La boroña o borona (del gaélicu bor na 'pan', y, por estensión 'maíz') ye un pan fechu con farina de maíz, ta estendíu per tol planeta principalmente nes zones onde'l cultivu del trigu nun ta masificáu. Ye un alimentu básicu en zones rurales nun desarrollaes.
Nel casu particular d'Asturies solía cocinase al fornu envueltu en fueyes de berces y a menudu tien en so interior embutíos, nesti casu llámase Bollu preñao.
[editar] Carauteristiques
Amestao de farines de trigu (farina de trigu d'escanda) y maíz (2/3 de farina de maíz y el restu de farina de trigu) fai que'l color interior de la boroña seya de color mariellu claru. La masa suel ponese nun molde con forma de rectangulu inda güei en día suel tener forma sigún el molde. Na receta tradicional inclúi dientro de la masa dalgunos trozos de chorizu y diverses carnes ente elles la costiella. La masa ponse, xuntu col molde nun fornu cocinandolu a temperatures relativamente baxes demientres toa una nueche.
[editar] Preparación
Nun cuencu pondremos farina, a la que selemente diremos añadiendo agua tebio, na que disolveremos daqué de sal. Pocu a pocu diremos trabayando coles manes esta pastia fasta llegar a formar una masa homoxénea, que dexaremos reposar demientres un tiempu. Aína, untaremos con aceite o mantega un molde, onde meteremos primeru trozos de xamón, de tocín y ún o varios chorizos, y darréu la masa, poniendo'l molde al fornu fasta que la boroña s'alcuentre bien cocida.
