Bonanza

De Uiquipedia
Saltar a: navegación, buscar

Bonanza ye una serie de televisión producida pola NBC y emitida pela primer vez el 12 de setiembre de 1959 y hasta 1973.

Argumentu[editar | editar la fonte]

La serie rellata les peripecies de la familia Cartwright nel ranchu de la Ponderosa, en Nevada, y ta ambientada nel Oeste americanu de finales del sieglu XIX. Concebida pa un públicu familiar, fuxe de los tópicos del xéneru pa centrarse nos valores familiares y nos problemes del día a día. Amás, la canal decidió emitila integramente en color pa conseguir llamar l’atención de los más neños nuna época onde la mayoría de les cases teníen televisión en blanco y negro.

La familia Cartwright ta formada pol patriarca y dueñu del ranchu, nomáu Ben (interpretáu por Lorne Greene). Tien tres fíos de tres matrimonios diferentes de los que enviudó: Adam (Pernell Roberts), Hoss (Dan Blocker) y Little Joe (Michael Landon). El clan vive nun ranchu nomáu La Ponderosa na compañía del cocineru chinu Hop Sing (Víctor Sean Young) y el sheriff de Virginia City, Roy Coffee (Ray Teal).

La serie convirtióse en númberu ún de audiencia mentes catorce años magar la salida de Pernell Roberts nel 1965 por mor de les disputes colos guionistes de la serie. Anque nun momentu la canal planteó dexar a los Cartwright con dos hermanos namás, el personaxe de Adam substituyólu’l vaqueru Candy Canaday (David Canary) y la serie medró en popularidá.

La muerte de sutrucu de Dan Blocker en 1972 significó'l fin de la serie. Depués de dalgunos intentos de la canal por salvala, despidióse de l'audiencia el 16 de xineru de 1973.