Baxu

De Uiquipedia
Saltar a: navegación, buscar
Pa otros usos d'esti términu, ver Baxu (dixebra)
Baxu lléutricu activu de 5 cuerdes de la marca Warwick.

El términu baxu provién del fechu de ser l'instrumentu que reproduz les frecuencies más graves del espectru sonoru. El baxu emplégase ampliamente nos más estremaos tipos de música: funk, jazz, blues, rock, metal, pop, country, salsa, merengue, bachata, reggae, clásica, punk, etc.

La importancia d'esti instrumentu nun conxuntu radica en que produz soníos n'armonía cola música y, al mesmu tiempu, un efeutu rítmicu. D'otra miente, tamién algama cierta importancia nel ária melódica y como instrumentu solista (o con un papel más destacáu na banda) según l'estilu que s'interprete, polo que nun ye meramente un "instrumentu de bas".

A diferencia de la guitarra, que ye executada davezu con uñes, deos o con pleutros de plásticu, el baxu xeneralmente se toca cola yema los deos. De toes formes, hai otres menes d'executalo, destacándose'l slap golpiándolu col déu pulgar, el pop estirando (pizzicato) les cuerdes, emplegando les yemes de los deos, o'l tap, sofitando les yemes de los deos sobre les cuerdes escontra'l diapasón. Tamién se pue tocar con púa, ya incluso a vegades s'empleguen palos o vares metáliques pa golpiar les cuerdes.