Bandera de Rumanía

De Uiquipedia
Saltar a: navegación, buscar
FIAV 111111.svg Proporción: 2:3
FIAV historical.svg Bandera del Reinu de Rumanía (1867-1947)
FIAV historical.svg Bandera de la República Socialista de Rumanía (1965-1989)

La bandera de Rumanía ye una bandera tricolor compuesta por tres franxes verticales d'igual anchor, siendo azul la más averada al asta, mariella la central y bermeya la más alloñada del asta. Anque l'usu d'estos colores ye anterior, entamaron a ser usaos como emblema del movimientu nacional rumanu dende 1834. La disposición d'anguaño remóntase a 1867 anque dende entós s'introducieron delles modificaciones: En 1947 eliminóse l'escudu coles armes reales pa sostituyilu pol de la República Popular (Socialista) de Rumanía (que foi retiráu'l 27 d'avientu de 1989) y el 10 de setiembre de 1992 introducióse l'escudu actual.

El 26 de xunu de cada añu celébrase'l día de la bandera (Ziua Tricolorului en rumanu) que ye fiesta nacional en Rumanía.

La bandera de Rumanía ye perasemeyada a la bandera de Moldavia, con quien comparte llazos hestóricos y culturales. Tamién ye idéntica a la bandera de Chad anque nun tienen nenguna venceya.

Banderes hestóriques[editar | editar la fonte]

L'anterior bandera nacional de Rumanía, siendo república socialista (1947-1989), tenía l'escudu nacional nel centru de la franxa mariella. Demientres la revolución de 1989 pudiéronse ver munches banderes col escudu recortáu y el nueu gobiernu decidió non añedir escudu dalu a la bandera quedando igual que la enseña civil demientres el Reinu de Rumanía (1881-1947).

Para torgar tracamundios cola bandera de Chad pola similitú nel diseñu la franxa azul de la bandera de Rumania ye más baxa como la usada na anterior bandera demientres la esistencia de la república socialista.