Bandera de Madagascar

De Uiquipedia
Saltar a: navegación, buscar
Bandera oficial de Madagascar

La bandera nacional de Madagascar foi adoptada'l 14 d'ochobre de 1958, dos años enantes de la independencia, mentantu Madagascar preparaba un referéndum sobro'l so estatus na Comunidá Francesa.

Los colores de la bandera representen la hestoria de Madagascar, el so naguar pola independencia y les sos clases tradicionales. El bermeyu y el blancu yeren los colores del Reinu de Merina, que sucumbió énte Francia en 1896. Yeren usaos na bandera de la última monarca de Merina, la reina Ranavalona III. Puen indicar los oríxenes étnicos del pueblu malgaxe nel Sudeste Asiáticu, y tamién apaecen na bandera d'Indonesia. El verde yera'l color de los Hova, la clas predominante de campesinos plebeyos, que desempeñó un importante papel na axitación escontra Francia y nel movimientu independentista.