Bandera de Dinamarca

De Uiquipedia
Saltar a: navegación, buscar
A Danish flag flies from a flagpole against the sky.
Dannebrog nun mástil.

La bandera nacional de Dinamarca conozse col nome de Dannebrog, en danés lliteralmente la "tela danesa" o'l "trapu danés". Ye una cruz escandinava blanca en fondu bermeyu qu'algama'l borde de la bandera y cola parte vertical averada'l mástil en llugar de centrada. Esti diseñu de bandera danés foi adoptada depués pol restu de naciones nórdiques; Suecia, Noruega, Finlandia, Islandia y les Islles Feroe, asina como fasteres d'heriedu cultural y hestóricu nórdicu, como les rexones escoceses de les Islles Shetland y les Islles Orkney. Mentantu la xunión personal de Dinamarca y Noruega, el Dannebrog foi tamién la bandera de Noruega y siguió siéndolo hasta la adopción de la bandera noruega d'anguaño nel 1821.

El Dannebrog ye la bandera d'estáu más vieya del mundu qu'inda ta n'usu por una nación independiente. Enanties d'ella les fuercies daneses usaben l'estandarte'l cuervu, flag Ravnen en danés, Hrafnsmerki en noruegu antiguu .

Orixe llexendariu de la bandera[editar | editar la fonte]

La lleenda lliga l'orixe de la bandera cola Batalla de Lyndanisse, tamién nomada Batalla de Valdemar (danés: "Volmerslaget"), circa Lyndanisse (Tallinn) n'Estonia, en xunu 15, 1219.

La batalla diba mal y la derrota yera inminente. Pero entoncies, cuando los daneses taben por rindise, la bandera cayó del cielu. Garrándola enanties que tocara'l suelu, el rei coyóla nes sos manes y movióla al aire argutu delantre les tropes desfallecíes, dándo-yos esperanza y lliderándolos p'haza la victoria.

El mitu ye nidiu. La bandera, el Dannebrog foi dada a los daneses pol mesmu Dios y dende esi día foi la bandera de Dinamarca y de los reis daneses.

El Dannebrog cayendo del cielu na Batalla de Lyndanisse, 15 de xunu de 1219. Pintáu por Christian August Lorentzen en 1809. Orixinal nel Statens Museum for Kunst, Dinamarca

Nun hai nengún documentu históricu que sofite esta lleenda. La primera noticia de la lleenda nun apaez hasta 300 años más sero y rellaciona la lleenda con engarradiella más qu'una batalla anque tamién tien llugar n'Estonia; la batalla de Fellin (Viljandi) en 1208.


Splitflag[editar | editar la fonte]

La Splitflag - la bandera dansesa d'estáu. FIAV 011010.svg Proporciones: 56:77
La Orlogsflag - la bandera danesa naval. FIAV 000001.svg Proporciones: 7:17