Bandera d'Asturies

De Uiquipedia

Asturina. Bandera d'Asturies

L'Estatutu d'Autonomía d'Asturies, artículu 3.1, establez que la bandera del Principáu d'Asturies ye la tradicional, rectangular cola Cruz de la Victoria n'amariellu sobre fondu azul. De los brazos de la Cruz cuelguen les lletres griegues alfa mayúscula y omega minúscula. Tamién tien el nomatu d'Asturina, l'orixe del nome ta nel emplegáu pol Conceyu Bable y l'asturianismu (el primer partíu que la usó foi'l Conceyu Nacionalista Astur) pa referise a la bandera asturiana a metanes de los años setenta del sieglu XX. Dellos partíos d'esquierda usenla cola estrella bermeya, como Andecha Astur, Unidá Nacionalista Asturiana, etc.

Esisten delles versiones de la bandera, Na versión del mástil, la Cruz de la Victoria ta a una distancia de la vaina de mediu anchor de la bandera. Na versión pa usu desemeyáu de mástil, la Cruz allúgase nel centru.

L'orixe de la bandera remana de la dómina de la invasión napoleónica, cuando la Xunta Xeneral del Principáu d'Asturies declárase soberana y cria un exércitu para rebater a los invasores. Na so primera versión la bandera incluyía el rezu Asturies enxamás vencida.

Na Llei 4/1990, de 19 d'avientu desarróllase la llexislación relativa al usu de la bandera, así como les sos dimensiones oficiales, llugar de colocación en ceremonies públiques, colores, etc.