Banda Bassotti

Banda Bassotti
Orixe	Italia
Xéneru(os)	ska punk (es) , skacore (en) y Oi!
Sellu discográficu	Gridalo Forte Records y Esan Ozenki
Miembros
	Angelo Conti (en)
Enllaces esternos
Discogs	381115
Facebook	bandabassottiband
Twitter	BANDA_BASSOTTI
	[editar datos en Wikidata]

La Banda Bassotti ye un grupu de Ska italianu, nacíu nunos talleres na zona periférica de Roma l'añu 1981.

Trátase d'un grupu altamente politizáu, con una ideoloxía clara d'estrema izquierda revolucionaria, tamién conocíu pola so rellación col movimientu red skin y organizador d'iniciatives de solidaridá cola llucha del pueblu nicaraguanu, salvadorianu, palestín y vascu.

Los sos componentes conociéronse cuando yeren trabayadores de la construcción.

El grupu algamó un ciertu ésitu n'Italia y tamién n'España, gracies a los sos conciertos col grupu vascu Negu Gorriak.

Ente les sos canciones más conocíes alcuéntrense "Figli della stessa rabbia", "Mockba 993", "Potere al Popolo" o "Un altro giorno d'amore".

Los sos discos son editaos na so propia discográfica Gridalo Forte.

N'Asturies tocaron en dos ocasiones: una na fiesta del Partíu Comunista d'Asturies en Xixón y otra nel Derrame Rock de 2006, en Pravia.

Discografía[editar | editar la fonte]

1992 Figli della Stessa Rabbia
1993 Bella Ciao (mini CD con 4 temas)
1994 Avanzo de Cantiere
2001 Un Altro Giorno d'Amore (CD doble en direutu)
2002 L'Altra Faccia dell'Impero
2003 Así es mi Vida (versiones de canciones revolucionaries del mundu)
2004 Amore e Odio
2005 Baldi e Fieri (miniCD dedicáu al grupu hincha Brigate Autonome Livornesi)
2006 Vecchi Cani Bastardi
2008 Viento, lucha y sol
2010 Check Point Kreuzberg – Live at SO36 – Berlin
2012 Siamo guerriglia
2013 Rumbo al Socialismo XXI
2014 Banditi Senza Tempo

Arriendes d'estos discos participaron en dellos recopilatorios como Balla e difendi y otros de Gridalo Forte Records

Referencies[editar | editar la fonte]

Enllaces esternos[editar | editar la fonte]