Asturcón (grupu)
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Asturcón (grupu) | |
|---|---|
| Datos | |
| Tipu | grupu musical |
| Miembros | Víctor Carrizo |
| Xéneru | rock |
| País |
 España |
| Orixinarios de |
 Principáu d'Asturies |
| Llingua | asturianu |
| Fecha fundación | 1975 |
| Fecha disolución | 1983 |
 | |
Asturcón ye'l nome del consideráu como primer grupu de rock n'asturianu[ensin referencies]. Desendolcaron la so actividá dende la segunda metá de los 70 hasta entamos de los 80.
El grupu surdió por mor de la idea de Víctor Carrizo, que se convirtiera nel principal compositor de la banda y únicu miembru fixu mentanto que los otros componentes yeren músicos d'acompangamientu variando a lo llargo d'años nos que duró'l proyeutu.
No tocante al emplegu del asturianu como llingua de les sos composiciones el mesmu grupu reconocía que yera "una postura énte'l fechu llingüísticu que debía ser valoráu como un esfuerciu empobináu a reconocer la riqueza de la nuesa tradición espresada nes sos formes más auténtiques".
El grupu disolvióse enantes de la grabación d'un segundu discu que taba en proyeutu.
Estilu[editar | editar la fonte]
El so estilu taba perdefiníu, faciendo'l llamáu Rock con raíces que consistía n'adautar los instrumentos, la téunica y la sensibilidá del rock a les formes populares de la so tierra. Arriendes, taben influyenciaos poles melodíes tradicionales y con sones a vegaes sinfónicos y a vegaes celtes. Ye de rescamplar que de ralo en ralo convertíen los conciertos n'espectáculos teatro-musicales, faciendo apaecer pel escenariu estremaos personaxes.
Discu[editar | editar la fonte]
Grabáu nos estudios de Toni Martínez los díes 22, 23 y 24 de setiembre, en 1981 espublicen el so primer, y únicu discu, cola campañía de música Diapasón, nomáu, al igual que'l grupu, Asturcón. Nél alcuentrese seis temes, toos compuestos por Víctor Carrizo, cola música del propiu Carrizo (batería, flauta, gaita) y de la so voz, amás de J. Carlos "Mingla" a los teclaos, P. Solana a la guitarra llétrica y acústica, y J. Carlos Martínez al baxu. En 2004 la compañía Dial discos fizo una reedición del discu, remasterizáu dixitalmente y con una carpeta d'información.
Temes[editar | editar la fonte]
El discu incluyía seis temes:
- Mayu (12:53).
- Xareu en la 214 (4:15).
- El ventolin (4:01).
- El galope del asturcon (8:07).
- Nana pa la mio Aidina (3:01).
- La Coralina (3:58).
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q13146759