Asociación Universal d'Esperanto

De Uiquipedia
Saltar a: navegación, buscar

L'Asociación Universal de Esperanto (n'Esperanto, Universala Esperanto-Asocio, UEA) foi fundada en 1908. Actualmente UEA ye l'organización internacional más grande pa los falantes d'Esperanto y tie miembros en 119 países. UEA trabaya non solamente pa esparder l'Esperanto, sinón tamién pa estimular la discusión sobre'l problema llingüísticu mundial y llamar l'atención sobre la necesidá de igualdá ente los idiomas. Ocupase tamién de les rellaciones oficiales con l'ONU, l'Unesco, l'Organización Internacional para la Estandarización y l'International Information Centre for Terminology.

L'oficina central de l'UEA ta asitiada en Rotterdam, Holanda, xunto con l'Organización Mundial de la Xuventú Esperantista (TEJO, nes sos sigles n'Esperanto). Aparte d'esti, esisten otros centros, d'ente los cuales destaca'l neoyorquinu na sede de les Naciones Xuníes.

Los sos oxetivos, son, según los estatutos de 1980:

  • Aumentar l'usu de la llingua internacional Esperanto.
  • Actuar pola solución del problema llingüísticu enes rellaciones internacionales y facilitar la comunicación internacional.
  • Facilitar tou tipu de rellaciones (materiales y espirituales) ente los seres humanos, más allá de diferencies de ñacimientu, raza, sexu, relixón, política o llingua.
  • Acrecentar ente los sos miembros un fuerte sentimientu de solidaridá, y desarrollar n'ellos la comprensión y estima por otros pueblos.

Cada añu, l'UEA organiza'l Universala Kongreso (Congresu Universal d'Esperanto), nel qu'habitualmente participen ente 1500 y 3000 persones. L'UEA espubliza llibros, tien el mayor serviciu de venta postal de llibros n'Esperanto del mundiu (con más de 4000 llibros, discos compactos y otros), y mantien una importante biblioteca de llibros n'Esperanto.

El so presidente ye Probal Dasgupta (India) escoyíu nel 2007. Anteriores presidentes foron: Ernfrid Malmgren (Suecia, 1947-1956), Giorgio Canuto (Italia, 1956-1960), Harry Holmes (Inglaterra, 1960-1962), Yagi Hideo (Xapón, 1962-1964), Ivo Lapenna (Yugoslavia, 1964-1974), Humphrey R. Tonkin (Inglaterra, 1974-1980, 1986-1989), Grégoire Maertens (Bélxica, 1980-1986), John C. Wells (Inglaterra, 1989-1995) Lee Chong-Yeong (Corea del Sur, 1995-1998), Keppel Enderby (Austrialia 1998-2001), Renato Corsetti (Italia 2001-2007).


Ver tamién[editar | editar la fonte]

Enllaces esternos[editar | editar la fonte]

{{{2}}}
Wikimedia Commons tien archivos rellacionaos con: