Así es mi pueblo foi un programa de televisión en llingua asturiana producíu por Zebrastur que s'emitió los llunes a les 22:25 hores na canal A7 de la Televisión del Principáu d'Asturies. Ta presentáu por Sonia Fidalgo. L'espaciu percorre en formatu 'docu show' les aldegues pequeñes d'Asturies[1]. La primer temporada del programa emitióse ente'l 11 de marzu y el 13 de mayu de 2013[2]. El 13 de xineru de 2014, la productora del programa anunció al traviés de la cuenta oficial del programa en Facebook la producción d'una nueva temporada estrenada'l 27 de xineru con nuevu nome: 'Pueblos'[3].
L'espaciu visita llugares y barrios d'Asturies pa tener una idea más cercana de la manera de vida de les sos xentes, les sos ocupaciones y esmoliciones, pero tamién les señes d'identidá que-yos faen sentir se arguyosos del llugar onde viven y que, por ello, deseyen amosar a los demás.