Artur Balder

De Uiquipedia
Saltar a: navegación, buscar
Artur Balder.

Artur Balder (Alicante, España, 14 d'agostu de 1974) ye un escritor y cineasta estaunidense d'aniciu español.

Ye autor de delles obres de gran ésitu, destaca sobro too nel campu de la novela[1][2].


Biografía[editar | editar la fonte]

Treslladose empezando los años 90 a Valencia pa entamar los estudios d'Hestoria, Filoloxía Xermánica y Periodismu, amás de seguir la so formación musical nel conservatoriu de la ciudá. Siendo ellí onde entamó a trabayar como redactor de cultura nel diariu Las Provincias. Collaboró como críticu lliterariu de música clásica en revistes especializaes dedicaes al Palau la Música de Valencia.

Poco depués principió los estudios na escuela Belles Artes de la Universidá Politécnica de Valencia, que diba dexalos ensin terminar. En cuenta d'ello participó en delles esposiciones de pintura en Valencia. En setiembre del añu 2004 publicóse la so primer obra lliteraria, La Piedra del Monarca, una novela empobinada al públicu infantil y mozu d'ambiente fantásticu na Edá Media. De resultes del so éxitu adquirióla y retiróla del mercáu Random House Mondadori S.A. volviendo reeditala nel 2011[3] [2].

Nel añu 2008 emigró pa los Estaos Xuníos, asentándose na ciudá de Nueva York. Dende esi momentu la so producción lliteraria completóse con estudios de cine y producción, procesu formación que diba acabase nel añu 2010 cola realización de dos documentales sobre la emigración española a la ciudá de Nueva York, Little Spain y cuentos de la cai 14, asina como'l biopic dedicáu a la obra del pintor español José Manuel Ciria, vecín del cineasta y tamién afincáu nel West Village de la metrópolis norteamericana dende l'añu 2005[4].

Lliteratura[editar | editar la fonte]

Artur Balder ye autor de bien de llibros pal públicu adolescente, editaos y distribuyíos por Random House[5] n'España y Sudamérica. Les sos sagues de ficción hestórica, pueblicaes por Edhasa[6], tán inspiraes n'héroes xermanos como Arminiu nel tiempu la Roma Antiguo[7][8], o nel duque saxón Widukind, que fue'l cabezaleru d'una rebelión n'alta Edá Media escontra del emperador Carlomagno[9]. Los sos llibros tradúcense de vezu a dellos idiomes[10], ente otros: holandés[11], italianu[12], frances[13][14], rumanu[15].

Cine[editar | editar la fonte]

Nel 2010 escribió y dirixó'l primer documental sobre Little Spain[16]. Balder vivió nel edificiu que la Spanis Benevolent Society tién na cai 14 de Manhattan por más d'un añu como artista residente. A lo llargo tou esti tiempu atopó na cai 14 archivos indéditos que fueron a enseñar por primer vez la evolución de les cais de Little Spain dende'l so aniciu, a lo llargo más d'un sieglu d'hestoria en Manhattan[16][17]. Esti documental revela la hestoria hasta agora nun conocida pla gran públicu de la presencia española na ciudá de Nueva York, asina como la so cumnidá asentada na redolada del oeste de la cai 14, no que-y dicen Little Spain[18]. L'archivu axuntáu amuesa más de 450 semeyes y 150 documentos escoyíos qu'enxamás teníen sío enseñaos públicamente. Esti archivu presenta por primer vegada la hestoria del barriu español de Manhattan a lo llargo del sieglu XX[19][20][21][22][23][24][25] .

La pelícual dedico-yla a Federico García Lorca[26], y inclúi versos de la so obra Poesta en Nueva York.

Films[editar | editar la fonte]

  • Muerte Express[27] (2003)
  • Limit[28] (2004)
  • Widukind[29] (2009)
  • Little Spain[30] (2010)


Referencies[editar | editar la fonte]

  1. Plantía:Cita noticia
  2. 2.0 2.1 Plantía:Cita noticia
  3. Plantía:Cita noticia
  4. Plantía:Cita noticia
  5. Plantía:Cita noticia
  6. Plantía:Cita noticia
  7. Plantía:Cita noticia
  8. Plantía:Cita noticia
  9. Plantía:Cita noticia
  10. Plantía:Cita noticia
  11. Plantía:Cita noticia
  12. Plantía:Cita noticia
  13. Plantía:Cita noticia
  14. Plantía:Cita noticia
  15. Plantía:Cita noticia
  16. 16.0 16.1 Plantía:Cita noticia
  17. Plantía:Cita noticia
  18. Plantía:Cita noticia
  19. Plantía:Cita noticia
  20. Plantía:Cita noticia
  21. Plantía:Cita noticia
  22. Plantía:Cita noticia
  23. Plantía:Cita noticia
  24. Plantía:Cita noticia
  25. Plantía:Cita noticia
  26. Plantía:Cita noticia
  27. Plantía:Cita noticia
  28. Plantía:Cita noticia
  29. Plantía:Cita noticia
  30. Plantía:Cita noticia

Enllaces esternos[editar | editar la fonte]

Artur Balder
Wikimedia Commons tien archivos rellacionaos con: