Art Decó

De Uiquipedia
Saltar a: navegación, buscar

L'Art decó foi un movimientu artísticu desarrolláu principalmente de 1920 a 1939, y como contraposición al Art nouveau d'anantes de la Primera Guerra Mundial. Influyó, sobre manera, na arquitectura y el dibuxu, pero que afecta más o menos a toles formes d'artes plástiques.

L'estilu Art decó toma'l so nome de la Esposición internacional de les artes decoratives y industriales modernes que se celebró en París en 1925.

Contestu[editar | editar la fonte]

Los años llocos[editar | editar la fonte]

1918 : fin de la Primera Guerra mundial, el mundu taba muertu, una sociedá bien estremada surdiría de los escombros.
Francia sal de cuatro años de velees, de cárcoves , y trata de recuperar el tiempu perdíu. La sociedá sufrió en cuatro años de conflictos, unos cambios radicales y irremediables. L'orden burgues establecíu bascula

  • Los descubrimientos

La relatividá con Albert Einstein, l’aviación intercontinental con Charles Lindbergh y Jean Mermoz, el coche, el teléfono, etc.

  • Lliteratura

Jean Cocteau, André Breton y el surrealismu.

El contestu artísticu[editar | editar la fonte]

Varios acontecimientos artísticos provocaron cambeos mayores nes artes decoratives y especialmente'l moblame.

Meciendo danza, música, pintura, al gustu oriental (vestidos de Bask, telón de escena y decoraos de Picasso y de Derain dan un tastu a les «mil y una nueches», de luxu y exotismu. D'ahí la moda de los abanicos de plumes, de los chorros d'agua, de los coleres vivos. Los colores insólitos van imponese nel decoráu del moblame: veremos unos gabinetes de parés naranxes, salones tapizaos de negro.

El color predomina sobre la forma y nun xuega un papel descritivu, sinon que predomina pola so audacia Tonos puros, colores primarios.

El cubismu constitúyese alredor de Braque y de Pablo Picasso. El cubismu nació con Paul Cézanne, que busca una simplificación de les formes y piense que «la naturaleza pue tratase pol cilindru, la esfera, el conu». Picasso dira tovía más lloñe reproduciendo toles cares del obxetu sobre un mesmu planu. Ex : Les Demoiselles d'Avignon.

  • L'arte «negru»

Fauves y cubistes siéntense atrayíos pol arte negru. Coleccionen escultures d'África negra que los inspira. L'ésitu de los artistes africanos suscita l'empléu de llinies quebraes, de formes totem, de colores escuros, de laques, d'ébanu. Igualmente danse «bailes negros», esposiciones, y la revista de Joséphine Baker en 1925 un gran ésitu.

L'arquitectura funcional[editar | editar la fonte]

El formigón armáu conviértese n'elementu d'usu corriente. Adáptase a toles formes. Los arquitectos revélense contra l'ecleticismu. Reivindique la simplicidá, la xeometría y la coherencia estructuras. L'arquitectura funcional reivindica que la forma exprese la función del edificiu, ensin adornos superfluos.

L'arquitectu Adolf Loos escribirá «L'adornu ye un crimen».

En Lyon Tony Garnier construye : l'estadiu Gerland, el gran vestíbulu, pero tamién l'hospital Édouard-Herriot y el barriu de los États-Unis.

Observación : Charles-Edouard Jeanneret, llamáu Le Corbusier dira tovía más lloñe col pabellón del Espíritu Nuevu, durante la exposición de 1925. Convertiráse magar d'ello nuna construcción faru del movimientu modernu phare du mouvement moderne.

Característiques[editar | editar la fonte]

Mientres les formes de l'Art nouveau yeren ondulantes, bien detallaes y tomando exemplu de la naturaleza, les del Art decó inclinense pa escontra les formes depuraes y esencialmente xeométriques. La curva, tovía bien presente nos entamos del movimientu, tiende a desapaecer progresivamente en beneficiu del ángulu rectu, especialmente cola corriente De Stijl.

Foi un verdaderu, pero breve, españíu artíticu qu'afectó a numberoses disciplines artistiques :

Depués d'un periodu fastuosidá durante los años venti, la corriente desínflase pasu ente pasu pa escontra'l fin de los años trenta, progresivamente reemplazada pola influencia creciente de la Bauhaus y más xeneralmente del Estilu international que cumplieron el sueñu de los artistes del Art decó : la producción en serie.

Art decó. Diseñador Maurice Ascalon 1939-1950.

Un de los temes n'arquitectura yera utilizar les formes de los obxetos cotidianamente empleaos pol propietariu del edificiu col fin d'esplicar la función d'esi últimu, pero'l conceptu foi Ampliáu. Asina, el techu del Chrysler Building asonsaña'l parachoques de los coches de la marca. Esi conceptu algama el so paroxismu col estilu California Crazy onde l'obxetu sobredimensionáu ye un elementu o’l edificiu enteru.

L'estilu ART DECÓ o estilu 1925 - 1910-1939

La palabra "Art Decó" nació pa designar l'estilu que triunfa na esposición universal de les "Artes Decoratives y industriales modernes" en París en 1925.

N'efeutu, la reacción contra l'Art Nouveau apaez desde 1910 en Francia, y tovía más ceo nel estranxeru como Alemaña Holanda, Austria. Califique les formes Art Nouveau de "blandes" o incluso d'"estilu babayu". Oriéntase por reacción hacia llinies simples, formes rectes, inspiraes pola pintura cubista y l'arquitectura d'estructures ortogonales del formigón armáu.

Dos tendencies bien estremaes coexisten :

  • La tendencia tradicional : ye l'estilu "ART DECÓ", pa una élite afortunada.
  • La tendencia moderna, funcionalista: ye l'entamu del dibuxu, buscando una producción industrial, pa una clientela de mases

L'estilu Art decó tendencia tradicionalista[editar | editar la fonte]

El moblame Art decó ye obra d'artistes decoradores pa pedidos d'una clientela rica, con sede de novedaes. Son muebles fechos n'ebanistería, que busquen el luxu y la perfección.

Formes Les formes son clásiques, a veces con acordances de los estilos anteriores: Louis XVI, Directoire, Louis-Philippe. Pero l'arte cubista va a dar puxu a una simplificación de les formes.

Los volúmenes son paralelepidedos, d'ángulos vivos, o arredondiaos, o achaflanaos. El círculu y l'octógonu son igualmente apreciaos.

Los muebles son normalmente soportaos por zócalos.

Dos escueles «revolucionaries»[editar | editar la fonte]

La Bauhaus[editar | editar la fonte]

En 1919 abre n'Alemaña un centru de formación estética conocíu baxo'l nome de Bauhaus. Baxo la dirección de Walter Gropius, conviértese nunu de los más influyentes del sieglu XX, y tuvo activu hasta 1933. El so principiu yera formar artistes pa trabayar na industria. A partir de materiales industriales modernos reducíos a la so forma más elemental y desnudos de tou ornamentu, los creadores de la Bauhaus intentaben crear productos lliberaos de toes referencies históriques. Esi obxetivu nun yera siempre algamáu. La celebre silla Vassily de Marcel Breuer presente numberoses característiques asociaes "al estilu Bauhaus" : n'aceru tubular, de forma xeométrica desnuda, ella debe la so construcción al talentu del artesanu y de la máquina. L'ésitu más grande de la Bauhaus fueron los sos métodos d’enseñanza, que fueron asonsañaos en tol planeta. Gropius atrae a artistes de sonadía, como Wassily Kandinsky, Josef Albers y Paul Klee y arquitectos reconocíos como Marcel Breuer y Mies Van Der Rohe.

La VKhUTEMAS[editar | editar la fonte]

Escuela de dibuxu de vanguardia qu'abre en Moscú en 1920. El so nome yera la sigla de los talleres técnicos d'estáu, el principiu yera formar artistes pa la industria. Comparte les característiques de la escuela alemana, Wassily Kandinsky y El Lissitzky participen nes dos organizaciones. Alexandre Rodchenko, dibuxa muebles pal círculu de trabayadores de la esposición de París de 1925. Ensin embargo dalgunu de los prototipos de muebles creaos por esta escuela nun se convierten nuna realidá industrial.

Decoración y textil[editar | editar la fonte]

Si la llinia ye depurada, el moblame muestra una decoración elegante y a menudo luxosa.

La escultura ye mui plana. Utiliza un repertoriu xeométricu, floral o animal, bien estilizáu, xeometrizáu. La rosa ta bien presente en ramos, en paxos, en guirnaldes.

El tratamientu de la superficie: dorao, laca.

La marquetería y la incrustación de filetes, de plaquetes en marfil (arte negru) de nácar o de metal (plata, cobre, latón, aluminiu).

La coloración de delles maderes como'l pláganu, tintada en collorao, azul, verde o gris (gustu de la policromía nacía de los ballets rusos)

Les figures son estilizaes, los motivos regularmente repetíos. El texíu satura d'avezu los interiores de ritmos entecortaos y vivos que recuerden los de la música lixera de la dómina. Tolos motivos y influencies citaos repítense con una constancia que contribuye a la unidá del estilu, pero acaba tamién por dexar los interiores asfixiantes.

Le Corbusier y los modernistes prediquen "la llei del Ripolin" : la vuelta a la simple paré blanca, que s'impondrá pasu ente pasu.

Materiales y técnica[editar | editar la fonte]

Gusten los contrastes de colores y materiales. Les cadarmes son la mayor parte de les veces de carbayu. Les estructures modulares o chapaes utilicen la caoba, el palisandru, la tuya, l'amarantu, el llimonal … Contrastes de maderes clares (llimonal) y de maderes prietes (amarantu).

Principales creadores[editar | editar la fonte]

L'home de la dómina ye Émile-Jacques Ruhlman. Trabaya sobre pedíu pa una élite afortunada. Inspírase nel pasáu, pero estire les llinies, afusa les formes y crea decoraos hábiles. Utiliza maderes rares y diseña con una gran precisión cada detalle pa que la execución (por parte de los artesanos) seya perfecha.

Pierre Legrain, Pierre Chareau, igualmente marcaos pola influencia del arte negru y del cubismu, creen muebles de llinies estrictres. Ensin embargu esos muebles nun son fechos nuna fabricación en serie, sinon pa una clientela escoyida. El luxu de los materiales contradiz la sobriedá de les llinies.

Espíritu y variedá de los muebles[editar | editar la fonte]

Los asientos son a menudo d'inspiración Directoire o restauración. Un interés pol confort ta presente nos sillones, inspiraos nos sillones club, de formes profundes.

La madera ye poco aparente y a menudo ye disimulada por una tapicería de cuero o testil.

Les cosy-corner, creación de la dómina, fizo furor. Ye un diván n'ángulu, encastráu nuna boiserie con diversos estantes.

Les meses son redondes, ovalaes, rectagulares colos ángulos rotos.

Los tocadores son particularmente refinaos.

Acéptase que l'estilu Art Decó foi'l d'una clientela escoyida y afortunada. Duldó ente la estética nueva (baxo la influencia del cubismu, del fauvismu y del arte negru) y la tradición na inspiración de los estilos del pasáu, na ornamentación.

Últimu testimoniu d'una llarga tradición francesa, fundiráse dende 1939 con Hitler y el nazismu.

Mientres que los tradicionalistes del Art Decó tienen ésitu xunto a la burguesía y a los artistes en voga, dellos talleres ignoraos, mantiénense al marxen, y interésense pola producción en serie de muebles baratos: los funcionalistes, profetes del "estilu contemporaneu", tiraron les bases del diseñu alloñándose de la estética artesanal pa dexase ganar pola estética industrial. Dende 1917, un grupu de pintores, arquitectos, diseñadores y filósofos holandeses crearon un colectivu bautizáu De Stijl, l’estilu.

Alloñándose de les formes naturales de l'arquitectura y del diseñu, el grupu De Stijl intenta crear un llinguaxe visual capaz d'espresar una nueva estética industrial utilizando una paleta reducida.

L'Art Decó n'Asturies[editar | editar la fonte]

La presencia del Art Decó n'Asturies céntrase fundamentalmente nes ciudaes d'Uviéu y Xixón, de la mano de los arquitectos Manuel del Busto y el so fíu Juan Manuel del Busto, que depués d'una estancia nos Estaos Xuníos, a onde llegaron tres d'un tiempu en Cuba, durante la construcción del Centru Asturianu, trabayaron dientro de los postulaos de la nueva tendencia arquitectónica que taba algamando un fuerte puxu nes grandes ciudaes estaunidenses.

Quiciás la obra cimera d'estos arquitectos n'Asturies seya la Casa Blanca, n'Uviéu, o l'edificiu del númberu 4 de la cai Asturias de Xixón. Los dos podemos emparentalos col Skyscraper Style o Estilu Rascacielos, nos que la presencia de la torre da-yos un aire claramente Decó, que pretendía tresmitir a los ciudadanos una sensación de grandiosidá. Esta sensación sería especialmente notable na cai Uría d'Uviéu que, nel momentu de la construcción de la Casa Blanca, entamaba a convertise na gran avenida de la capital, yá que l'edificiu, que güei ta flanqueáu por otres construcciones, carecía de la compañía d'estos edificios, lo que realzaba la so modernidá. Nos dos edificios citaos, asina como n'otros d'estes ciudaes, podemos atopar un repertoriu ornamental sofitáu nel arte antiguu: volutes, estríes, dientes de sierra, ...

Un paséu per estes dos ciudaes del centru d'Asturies permítenos seguir el rastru de diferentes elementos y tendencies que conformaron esti estilu arquitectónicu. Nel mundu rural, tamién los del Busto dexaron una pequeña muestra del Art Decó y ye nos xales llamaos «Moros y Cristianos», fechos a la entrada de Cangues d'Onís (magar que pertenecen al conceyu de Parres).