Arcu la vieya

De Wikipedia
Arcu la vieya
fenómenu
Fotometeoro (es) Traducir
Cambiar los datos en Wikidata

L'arcu la vieya ye un fenómenu ópticu y meteorolóxicu que produz l'apaición d'un espectru de lluz continu nel cielu cuando los rayos del sol trespasen pequeñes partícules de mugor conteníes n'atmósfera terrestre. La forma ye la d'un arcu multicolor col roxo hacia la parte esterior y el viola hacia la interior. El arco iris duble, ye menos avezau a vese, y tien los colores invertíos, esto ye, el roxo hacia dientro y el viola hacia l'esterior.

Magar que l'arcu iris amuesa un espectru continu de colores (toos), suel aceutase como siete el númberu de colores que lu forma, bermeyu, naranxa, mariellu, verde, cian, azul y viola.

Otros nomes[editar | editar la fonte]

Otros nomes polos que se conoz esti fenómenu son:

  • Arcu Iris, arcu d'Iris, arcu pintáu, arcu'l señor[1]
  • Cereza del cielu[2]
  • Meiruelu[3]
  • Tizón[4]

Los siete colores del arcu iris[editar | editar la fonte]

Los siete colores de Newton sobre un círculu cromáticu en degradé. La zona erma del círculu representa los colores non espectrales maxenta, fucsia y carmesí.

Isaac Newton demostró ente 1670 y 1672 que la lluz blanca taba formada por bandes de colores que podíen separtase per duana d'un prisma. Nel so llibru Opticks de 1704, señaló nun círculu de colores (discu de Newton) que la lluz, lo mesmo que l'arcu iris, compónse de siete colores y fizo una analoxía colos siete díes de la selmana y les siete notes musicales. Estos 7 colores son los siguientes:

Orde Nomes de Newton
(llatín ya inglés)
Nome actual
(asturianu)
1ᵘ rubeus / red bermeyu
2ᵘ aureus / orange naranxa
3ᵘ flavus / yellow mariellu
4ᵘ viridis / green verde
5ᵘ cœruleus / blew (bleu) cian, celeste o turquesa
6ᵘ indicus / indigo azul
7ᵘ violaceus / violet viola

Ver tamién[editar | editar la fonte]

Descomposición de la faza de lluz al trespasar una gota d'agua

Referencies[editar | editar la fonte]

Enllaces esternos[editar | editar la fonte]