Antonio Tejero

De Uiquipedia
Saltar a: navegación, buscar

Antonio Tejero Molina (Alhaurín el Grande, Málaga, 1932) ye un ex-teniente coronel de la Guardia Civil. Foi unu de los principales cabezaleros del intentu de güelpe d'estáu del 23 de febreru de 1981 n'España, popularmente conocíu comu 23-F.

23-F[editar | editar la fonte]

La tarde del 23-F, al mandu d'unos 200 guardies civiles asaltó'l Congresu de los Diputaos, que nesos momentos celebraba la sesión d'investidura como Presidente del Gobiernu de Leopoldo Calvo Sotelo. Secuestró a tolos diputaos hasta les 10 de la mañana del 24 de febreru de 1981, cuando s'entregó al fracasar l'intentu de golpe d'estáu.

Foi procesáu y encarceláu, permaneciendo na prisión d'Alcalá d'Henares hasta'l 2 d'avientu de 1996 en que salió en llibertá condicional. Dende setiembre de 1993 yá disfrutaba de réximen abiertu. En 1982 entamó dende la cárcele un efímeru partíu políticu d'estrema derecha pa presentase a las eleiciones xenerales ("Solidaridad Española"), que desapaeció tres éstas pol mor de los sos raquíticos resultaos.